Car Jan,


mi prime amico de e-mail in interlingua, si! io considerava que nostre
pusille communitate international exprimite per le lista Interlng era un bon
destinatario de un "tal message" que non es absolutemente un message
private.
Tu invetera, Jan! E tu deveni sempre plus impatiente e tu ha le necessitate
de manifestar tu impatientia: "Scribe in Coolist! No message private!"
Relaxate Jan!
Assi tu potera manifestar melio le meraviliose personalitate que tu ha, e tu
grande disponibilitate per le amicos.
Si io non recorda mal tu scribeva que tu es assatis indifferente re le
existentia del Patre Eterne. Anque io ha un reporto personal con iste
"expression" que, quando io le pensa, io es propense a individuar in le
memoria de mi ver patre.
Mi patre e io non parlava multo insimul. Ille era depositario de tote illo
que io haberea debite facer, cognoscer, observar, et cetera e io, al
contrario, era anque alora, in plena navigation in un mar de dubitas.
In iste annos, que io non ha plus mi patre, io me discoperi,
discontinuemente, que io proba a parlar con ille. Un die io me diceva:
quando io incontrara mi patre, io le demandera isto. Postea un momento, io
debeva adjunger: Eh no! Io ora non pote plus demandar a mi patre, ni isto,
ni nihil. Ille non es plus con nos.
Sera mi patre le Patre Eterne?
Quando ille viveva, pro me ille pretendeva de esser un sorta de patre
eterne.
Jan, esque tu es un poco un patre eterne?


No! Jan, lege anque le titulo de mi message: "Nos continuara a batter nos".


Rocco ha essite pro le italianos, forsan un pretexto, in le dies passate.
Quando io inviava al lista mi message, de alcun minutos Rocco habeva patite
le execution capital pro medio de un injection lethal, in Virginia (U.S.A.),
e in Italia, multe personas habeva veliate usque a iste momentos, in
silentio.
Rocco, de origine italian, era culpabile o no? Isto non es le thema. Le
thema era e es le pena de morte.
Forsan le Parlamento italian approbara proximemente le abolition del prison
a vita, perque in nostre Constitution del Repubblica, le Stato debe reprimer
le criminalitate con le rehabilitation del responsabile, pro consentir le
integration in un nove vita de cive libere.

Nos ha un altere idea, re iste thema! E io pensa que nostre es le idea
melior.


Ciao Rocco, io scribeva, quasi como dicer: a revider nos Rocco, innocente o
culpabile que tu sia. Ora que le homines te ha infligite le morte, ubi es
tu? Que ha tu trovate? Le Paradiso?


Jan, isto era le senso de mi message.
Solmente que io quando lo scribeva non era in condition seren e, io ora lo
scrive, in ille momentos io pensava a illes favorabile al pena de morte,
como a illes qui le 7 de april del 1944, e non solmente ille die, volava
supra le celo de mi Treviso, pro seminar morte. Un contribution de 14,000
mortos civil, 20% del population, pro un altere question que io ancora non
ha comprendite,
Como le anno passate in tu ex Yuguslavia, Jan. Esque illo era necessari? Nos
ha resolvite qualque cosa?
Jan! Perque un Stato ha iste disponibilitate de nostre vitas, illos de su
citatanos o del citatanos de un altere Stato?
Iste Patre Eterne, me lassa con multe dubitas. Io non comprende e io dice
isto a Ille: io ha necessitate de tempore pro comprender Te, si possibile.


Intertanto, un pusille numero de homines continuara a batter se, pro un vita
melior.


Ciao amico Jan, Amicas e Amicos del lista, vetule, nove e novissime!


Mario Malaguti
de Treviso, in Veneto (Italia).




----- Original Message -----
From: Jan Årmann <[log in to unmask]>
To: <[log in to unmask]>
Sent: Friday, September 15, 2000 8:56 AM
Subject: Re: Nos continuara a batter nos.


 > MARIO MALAGUTI wrote:
 >
 > > Ciao Rocco.
 > >
 > > Mario Malaguti
 >
 > Mario,
 >
 > Nos es 90 abonatos de INTERLNG. Esque tu vermente crede apte a informar
 > nos totes con un tal message private?
 >
 > Jan Årmann/Jan Armann