Responsas REAL de alumnos in examines:

~~~
Lavoisier ha essite guillotinate pro haber inventate le oxygeno.

Le nervo optic transmitte ideas luminose al cerebro.

Le vento es un immense quantitate de aere.

Le tremor de terra es un micre movimento de terras inculte.

Le egyptios antique ha disveloppate le arte funerari pro que le mortos
poterea viver melior.

Pericles ha essite le principal dictator del democratia grec.

Le problema fundamental del Tertie Mundo es le superabundantia de
necessitates.

Le petroleo ha apparite multe annos retro, in un epocha in que le pisces
se necava intra le aqua.

Le principal function del radice es interrar se.

Le Ecclesia recentemente perde multe clientela.

Le sol nos da luce, calor, e touristas.

Le aves ha in le bucca un dente denominate becco.

Le unitate de fortia es le Newton, que significa le fortia que uno debe
realizar in un metro del unitate de tempore, in le senso contrari.

Legenda es tote narration in prosa de un thema confuse.

Le harpa es un ala que sona.

Le febre jalne ha essite apportate de China per Marco Polo.

Le ruminantes se distingue del altere animales perque lo que illos mangia,
illos mangia duo vices.

Le corde es le unic organo que non cessa functionar 24 horas per die.

Quando un animal irrational non ha aqua pro biber, illo solo supervive si
illo suffre un taxidermia.

Le insomnia consiste in dormir al contrario.

Le architectura gothic se ha notabilizate per facer edificios vertical.

Le differentia inter le Romantismo e le Realismo es que le romanticos
scribe romances e le realistas nos monstra como sta le situation del pais.

Chile es un pais multo alte e magre.

Le mumias habeva un profunde cognoscentia de anatomia.

Le baptismo es un specie de detergente del peccato original.

In Grecia le democratia functionava multo ben perque illes qui non era de
accordo se invenenava.

Le prosopopeia es le comenciamento de un epopeia.

Le crustaceos foras del aqua respira como illos pote.

Le plantas se distingue del animales per respirar solmente de nocte.

Le hermaphrodites human nasce unite per le corpore.

Le glandulas salivari solo travalia quando le gente ha voluntate de
sputar.

Le fide es un gratia per medio del qual nos pote vider lo que nos non
vide.

Le estuarios e le deltas ha essite le primitive habitantes del
Mesopotamia.

Le objectivo del Societate Anonyme es haber multe fabricas incognite.

Le Previdentia Social assecura le derecto al infirmitate collective.

Le atheismo es un religion anonyme.

Le respiration anaerobie es le respiration sin aere que non debe durar
plus de tres minutas.

Le calor es le quantitate de calorias stockate in un unitate de tempore.

Ante le creation del Justitia, tote le mundo era injuste.

Character sexual secundari es le modificationes morphologic suffrite per
un individuo post haber relationes sexual.
~~~

Ensjo.
Interlingua-English Dictionary:
http://www.interlingua.com/