Car amicos, in special Harleigh, Josu e Jollino.
Le dengue e le visita a mi matre me manteneva distante del Internet durante
le fin de septimana... justo quando un "conflagration", un discussion
*"accalorate" [NOTA: portugesismo patente], se disveloppava in le lista.
Alcun tempore retro Jollino me habeva informate de su enoios in privato, e
in privato io tentava contactar Harleigh, mais le cassa postal de Harleigh
es plus tosto inutile pro contactar le. (Excesso de spam?) Via INTERLNG io
le suggereva crear un nove cassa postal a Despammed.Com, mais il non ha
indicios que ille lo faceva o tentava facer.
Io debe confessar que io es de accordo con Jollino in que multe messages
que Harleigh publica in INTERLNG ha un character de "material didactic" que
non conveni ben in un lista "conversational" como INTERLNG; illos poterea
esser plus tosto publicate in alcun specie de sito (traditional, wiki,
blog, etc.), e/o haber un lista proprie create specificamente pro diffunder
los. Alora Harleigh poterea, justemente, inviar a INTERLNG un breve
annuncio super su publicationes plus recente.
Como exemplo, durante le menses de decembre e januario Harleigh ha inviate
a INTERLNG tres LONGE series de LONGE messages: historia de Brasil,
historia del transportation urban, curso de conversation. Alcun(es) de iste
series consisteva de plus de dece "partes" (messages).
In 21 de januario io ha indicate, a Harleigh e a tote le altere abonatos de
INTERLNG, le existentia del sitos wiki Wikisource e Wikibooks, ubi uno pote
publicar textos e disveloppar material didactic. Harleigh ha respondite
alora: "Usque nunc, io non ha potite accessar le sitos Wiki pro rediger
textos in illo."
~~~~
Harleigh, io comprende que tu ha limitationes financiari e que isto se
reflecte in limitationes de tempore pro accessar le internet, totevia le
situation es tal que io debe demandar te que tu dedica alcun tempore pro:
- crear un altere cassa postal electronic (a <http://despammed.com>, per
exemplo), a fin que alteres pote effectivemente contactar te in privato,
viste que tu mesme affirma que tu conto [log in to unmask] es practicamente
inutile pro reciper messages.
- explorar e comprender le functionamento de <http://wikisource.org> e
<http://wikibooks.org>, o qualcunque altere ressource in le Web capace de
albergar tu textos. Le sitos wiki es particularmente bon proque le lectores
pote facer correctiones/adaptationes immediatemente. E tu publicava in
alcun blogs recentemente, nonne?
In ultra, evita modificar le campo "subjecto" del messages quando tu
responde. Programmas de e-mail pote exhibir le messages aggruppate per
subjecto. Exemplo:
http://maelstrom.stjohns.edu/CGI/wa.exe?A1=ind0402&L=interlng&O=T
Si tu cambia le campo "subjecto" per "Senior X scribeva..." o "Responsa a
Senior Y", tu responsa non apparera insimul con altere messages que tracta
del mesme subjecto.
Attention, Harleigh: Si io non nota alcun dedication tue in observar iste
demandas, io me sentira fortiate a poner te in modo "moderate", de maniera
que tu messages a INTERLNG debera esser primo approbate per un del
moderatores del lista (io e Martijn) ante que illos sia effectivemente
diffundite.
(Io definitivemente NON VOLE haber iste carga additional pro occupar mi
tempore ancora plus...)
~~~~
Josu Lavin scribeva: "Io regretta multo le uso de parolas aggressive contra
Jollino, ma ille non merita altere cosa quando ille age contra le travalio
excellente de Harleigh Kyson Jr."
Josu, le querelas de Jollino non esseva contra le persona o le travalio de
Harleigh; illos esseva contra le inconvenientia de publicar los
massivemente in INTERLNG, non importa quanto utile, laudabile o excellente
illos sia.
Pro te e pro Jollino mi demanda pro le momento es: Cessa le invio de
messages super iste affaire. Illo es *mi* responsabilitate ora. Si vos
insistera, le jugo del moderation pesara super vostre collos.
~~~~
Io spera que vos comprende que isto es pro le ben de INTERLNG.
--
Cordial salutationes,
Emerson José Silveira da Costa
http://www.nautilus.com.br/~ensjo/
http://www.ensjo.net/
Milliones de personas comprende INTERLINGUA
sin necessitate de studio previe!
http://www.interlingua.com/ (in Interlingua)
http://www.interlingua.org.br/ (em português)
|
