----- Mensaje original ----- 
De: Jacques Dehée <[log in to unmask]>
Para: <[log in to unmask]>
Enviado: Jueves, 23 de Mayo de 2002 05:07 a.m.
Asunto: Enigmas pro Kjell


> Quando un scientista non sape explicar un mysterio, ille cerca un theoria
> le plus paupere possibile in imagination, le plus sparniante possibile in
> novellitate ; velocemente ille accepta iste paupere theoria que nos credera
> tosto scientia absolute e final.
> 
>   Pro explicar le extinction del dinosauros e le emergentia del species
> superior consequente, le scientistas ha cercate un causa responsabile
> conventional, ideal, e illes ha decretate, sin proba, que le causa era un
> meteorite gigante.
> 

    De facto si il ha probas de iste catastrophe global. In le peninsula de Yucatan, in Mexico, ha essite trovate un crater gigantesc de circa 300 km de diametro (submergite partialmente). Iste depression era descoperite casualmente a fin del annos 70 per sondeos de puteos petrolifere que in ille loco ha arrivate a plus de 4000 metros de profunditate. Le rocas es multo comprimite in ille area e le gravitate es anque superior al normal in ille loco. Scientistas estima que le potentia del explosion era superior a 3000 megatonnas, sufficente pro jectar milliones de tonas de material al atmosfera provocante un "hiberno global" -per obscurar le sol- e un mini-era glacial in tote le planeta. De plus in le Florida ha essite trovate vestigios de un grande inundation contemporanee provocate per le unda de tsunami consequentia del terribile impacto. On crede que le bolido era un asteroide de circa 15 km. de diametro.

Salutes

Horacio Martinez
Interlingua in Argentina
www.interlang.com.ar