Salutes, omnes!

Io suppone que il es de cognoscentia de omnes que il ha un gruppo a
preparar un presentation super le grande potential de Internet pro le
diffusion de Interlingua.

Un del suggestiones commentate in le gruppo es le possibilitate de
establir conversationes on-line inter le "communitate interlinguista
internetic" e le "station Strasbourg" que functionara durante le
Conferentia.

Qual es vostre opinion quanto a isto?

E qual programma de conversation (in anglese, "chat") esserea le plus
adequate e accessibile al participantes de INTERLNG? Esque vos habe un
bon programma que vos poterea suggerer? Ecce alcun del 

* Nautilus Chat: es un sito in le WWW create per me e que permite
conversar: <http://www.nautilus.com.br/chat.html>. Es un pauc lente.
Require solmente un browser moderne (como Netscape o Explorer).

* ICQ (I seek you): es un programma multifunctional. Cata usator recipe
un numero, e pote registrar le numeros de su amicos in su computator.
Assi, sempre que alcun de illes se connecta al rete, le usator es
informate. E on pote inviar archivos e messages al altere usatores, e
tamben invitar les pro un session de conversation. Pote esser obtenibile
ab Mirabilis <http://www.mirabilis.com>. Illo es un OPTIME programma.

* IRC: Il ha varie programmas del typo IRC. Un del plus famose es le
mIRC. Io non lo ha usate multo, ma io sape que illo es multo usate
mundialmente. Informationes e dicarga del programma in
<http://www.mirc.co.uk>.

* Chat in le homepage de Sigmund: Illo functiona como un programma de
IRC, ma solo exige un browser moderne con supporto a Java. Visita
<http://www.algonet.se/~sigmund/index5.htm>.

* Chat in le homepage de ILVI:
<http://www.geocities.com/Area51/Corridor/7787/caval.html?> Un pauc
confuse, e tu debe premer sempre un button pro visualizar le messages
plus recente.

* PowWow: Un programma multo interessante. Le grande vantage de PowWow
super le alteres es que le alteres solmente invia tu message al altere
participantes del conversation quando tu preme ENTER. In PowWow, cata
littera que un participante preme es IMMEDIATEMENTE inviate al alteres.
Illo permitte usque septe participantes, e tamben permite inviar sonos,
archivos, etc. Obtenibile ab Tribal Voice <http://www.tribal.com>.

Commentarios/Suggestiones EXIGITE! :^)
-- 
   ENSJO : EMERSON JOSÉ SILVEIRA DA COSTA
  E-mail : mailto:[log in to unmask]
Homepage : http://www.nautilus.com.br/~ensjo/
Addresse : Conj. Panorama XXI, Q. 26, C. 14
           Nova Marambaia
           66625-280 Belém - Pará - Brasil
Telephono: (091) 231-5740 // +55 91 231 5740