In re le articulo de "Le Figaro", Allan Kiviaho scribeva:

> Car Ingvar e le interlinguistas in tote le mundo!
>
> Io pensa que proque "Le Figaro" es un del plus eminente
> jornales in le mundo, nos ABSOLUTEMENTE deberea
> responder a iste articulo.

ABSOLUTEMENTE  de accordo

> !!! Omne franceses e personas qui maestra ben francese
> !!! (como e.g. Piet Cleij)!: Traduce le articulo in
> !!! interlingua, per favor!

Vole ben leger le prime parte del articulo, que io traduceva sin dictionario
francese. Infortunatemente, io ha pauc tempore durante le septimana, quia io
labora. In le tempore libere, io va continuar le traduction.

> !!! Omne franceses ...!: Scribe communicatos al "Le
> !!! Figaro", per favor!
>
> O al minus alicun franceses. Un bon idea esserea,
> forsan, etiam que le UMI va inviar un communicato al "Le
> Figaro", signate per
>
> (1) Barbara Rubinstein, Piet Cleij e le presidentes o
> altere representantes de associationes pro interlingua
> national, super toto sra
>
> [2] Jeanne Martinet (UIF - Union Interlinguiste
> Francese) e representante de
>
> [3] Canada (Quebec, si il ha interlinguistas illac),
>
> [4] alteriormente altere paises romanic como Italia
> (Alberto Mardegan), Suissa (Paolo Castellina), Espania,
> Portugal, an il ha ulle interlinugista in Belgica e
> Luxembourg?, Romania, Brasil (Ensjo!, forsan inter le
> signatores del UMI) e paises castilianophone in le
> Americas, e
>
> [5] paises non-romanic ubi existe un organisation de
> interlingua.

Ancora de accordo, anque si io recorda que existe un Union Interlinguiste de
France (www.interlingua.com.fr/spip/index.php3).


In le Babel del Union, tote le linguas es equal

Per Luc de BAROCHEZ
[13 avril 2004]

Secun le Biblia, le multiplication del numero de linguas sur le Terra es le
fructo de un castigamento divin, destinate a punir le homines de haber
construite un edificio elevante se usque al celo, le turre de Babel. Si il
existe un loco al mundo ubi iste malediction es un catastrophe quotidian, il
non es plus a Babylon, ma a Bruxelles.

Con undece linguas (1) in le Europa del Quindeces, le functionamento del
institutiones esseva complexe. Con novem plus (2), in le Europa del
Vinticinques le enigma deveni quasi insolubile. Le ONU mesme emplea solmente
sex linguas! Il essera vinti, in le Europa allargate, e forsan vinti-un,
includente le turco, si Cypro essera reunificate ante le prime  maio.

---------------------------------------------------------------------------
(1) anglese, danese, espaniol, finnese, francese, germano, greco,  hollandese,
italiano, portugese, svedese.

(2) estonian, hungaro, letton, lithuanian, maltese, polonese, slovakian,
slovenian, tcheco.

Mathematicamente, 20 linguas da 380 combinationes possibile e il es necesse
cercar per longe tempore pro trovar un interprete capace de traducer ab le
greco al letton o ab le slovenian al maltese.