Ingvar Stenstrom wrote:
>
> Car amicos,
> In octobre de iste anno le population mundial attingeva sex milliardos
> i.e. 6 000 000 000.    Hodie un publication multo fidibile nos informa
> que le population es  6 000 000 000 000, i.e. sex billiones..
> Qui es responsabile pro iste milluplication del numero de humanos
> sur le terra in un sol mense?.
>
> Responsa: Thomas Breinstrup!
>
> (E antea nos credeva saper que ille esseva le originator de solmente
> duo dulce parve filias, Kathrine e Mathilde...)
>
> Le error amusante (amusante proque non essente ver) sur le prime pagina del
> numero 5 de Panorama (septembre-octobre 1999) esseva observate per
> un seniora svedese de 92 annos Olu-Birgit Jeppson, qui es una del
> membros le plus vetule del Societate Svedese pro Interlingua.
>
> Salutes amical,
> Ingvar
>
Face me memorar un publication propagante un altere lingua auxiliar - estranie
que tales existe! - secundo le qual "Le interlinguanos es un grege de
gerontes!" (A ille momento le majoritate de interlinguanos que io cognosceva
era plus juvene que io. Que le scriptor in ille publication tremblarea si ille
sapeva quanto interlinguanos il existe in nostre dies - e juvenes, e etiam feminas!)