==================================
SAPIR-WHORF VI
FINNESE, HUNGARO E DIE KAISERHYMNE
==================================

[Anne Burgi 970929]

1) Esque vos sape que, nunc, pro le linguistas (post
1960), le "lingua" indoeuropean es solmente un vetule
phantasme? Que nos non crede que on pote classifiar le
linguas in familias de linguas? Pro isto, io vos da un
citation de Spencer, de su libro "Morphological Theory"
(qui es nostre "biblia" actual de morphologia):

"This typology, though sanctioned by tradition, has been
criticized for being both incoherent and useless (...) It
is incoherent for several reasons. First, it is obvious
when we look at varieties of languages that we are dealing
with a continuum rather than four discrete types (...)
Worse, there are many languages for which the typology
just doesn't seem relevant" (p.38, Blackwell, 1991)

[Allan Kiviaho 971002]

Le theoria super le "lingua" indoeuropee pote o non pote
esser un "phantasma" ma un veritate incontestabile es que
il existe un gruppa del linguas finno-ugric que consiste
de un numero de parve populos que habita sur vaste areas
in Fenno-Scandia, Baltico, Russia e Pannonia. Alicun
linguas finno-ugric son jam morite. Quando un lingua ha
partite - adieu anque a le populo qui parlava isto lingua!
Le mar grande de Russia es sin fundo ...

Alicun linguas finno-ugric lucta pro su existentia. Illis
ha plus sperantia hodie, quando Russia es libere, ja,
multissime libere, o anarchic, pro poner lo plus exacto.

Le cosa de hungaros es interessante. Lor lingua ha un
parentela con le finno-ugric linguas vogulo (mansi) e ostyako. Le
vogulos e ostyakos vive in Siberia del nord-est. Como ha le hungaros
venite a le terra basse del Pannonia (il era un multo longe via a
vagar)? E perque era le hungaros un populo del guerreros montate furiose
como le populos turco-tatarian, ben que le altere populos finno-ugric
era chassatores e agricultores? E perque lassava le
hungaros Siberia ma le vogulos e ostyakos remaneva?

Le parentela con le linguas hungaro e finnese era provate
solmente in le medie del 19e seculo. Hungaria era actualmente un potente
pais in 1918, le Regno de Hungaria consisteva de 325 000 qu.km e 25
million ges (ge = femina + viro).

Finlandia e Hungaria deveniva independente in 1918 quando
duo tyrannias, Imperios de Russia e Austria, collabeva.
Tosto postea Finlandia expediva un delegation cultural a
Hungaria. Un choro finlandese cantava:

         'Nouse, rienna" Suomen kieli,
         korkealle kaikumaan!
         Suomen kieli, Suomen mieli ...'

         'Leva, hasta le lingua finnese,
         a echoar in alte!
         Le lingua de Finlandia, le mente de Finlandia ...'

Multo bon, excepte que le melodia del isto canto era lo del
KAISERHYMNE DEL IMPERIO DE AUSTRIA, circa le melodia de plus detestate
in Hungaria independente, componite per Haydn. A proposito, le hymno
national del Germania ha le
mesme melodia: 'Deutschland, Deutschland, u"ber alles, u"ber alles in
der Welt!' (Germania, Germania, super le
totes, super le totes in le Mundo!).

Le hungaros era consternate e le SCANDAL grande.

Finnland, Finnland u"ber alles! - wenigstens in Vantaa

Exhorta

Allan Kiviaho
Kivima"entie 16 E
FIN-01620 VANTAA
Finlandia