Erik,
   Tu remarcas e informationes es ben recepite.  Nonobstante in iste
caso, le medicos ha pauc antibioticos effective contra le
staphylococcus aureus resistante a methicillin. Io ja ingere un
antibiotico oral insimul con le antibiotico topic. Le antibiotico
oral es sulfamethoxazole e trimethoprim, e le crema bactroban
(mupirocin) es usate contra infectiones del pelle, specialmente
staphylococcus aureus, e ha monstrate effectivitate malgrado
le evolution de nove mutationes.  Io imagina que istos es le
drogas optative pro tractar un infection del pelle de staphylococcus
aureus.  Io va remaner in contacto con mi medico si le infection non 
se meliora. Io equalmente cognosce un medico qui tracta le 
maladias infectiose qui tracta mi sposa pro MAC. Ille cognosce
mi proprie medico personalmente, e de facto mi medico ha 
recommendate le pro mi sposa.

Io spera que toto va ben con te.

Cordialmente,
Stan Mulaik


----- Original Message -----
> Car amicos!
> 
> (Excusa me si vos recipe duple messages ma io crede que io usava un
> adresse incorrecte le prime vice)
> 
> Stan Mulaik scribeva:
> 
> ".....Mais io
> ha obtenite un nove recepta del medico pro le
> antibiotico oral e un crema antibiotic contra le
> SARM. Io va usar le crema un mense o plus. Le
> antibiotico oral es usate solmente pro 10 dies,
> duo vices cata die...".
> 
> (per negligentia io lo radeva le lettera original in haste)
> 
> Il esserea interessante audir un specialista responder a isto. Le
> aviso de tractar un un vulnere con un antibiotico topic
> (externemente, sur le caute) me pare totalmente terribile. Isto es
> le methodo perfecte pro developpar  phylos resistente. Secundo le
> vetule regulas de Darwin alora centos o mesmo milles de bacterios se
> developpa in in un mediente con antibiotico e sempre le plus fortes
> supervive.
> Si un antibiotico del toto es besoniate post un vulnere in le caute
> (pelle) illo deber esser distribuite internemente e non durante un
> mense ma forsan un septimana o usque a un infection vermente ha
> occurrite. Solmente si un infection jam se ha developpate on besonia
> tractar plus que un septimana.
> Le uso de unguentos con antibiotico es un del plus importante causas
> del developpamento de phylos resistente e al minus in Svedia illos
> non ancora existe (excepte pro vulneres in le oculo). Ma in povre
> paises de developpamento on probabilemente ancora pote comprar los
> in le botecas.
> 
> Salutes,
> Erik Enfors
> Vallåkergat.25
> SE-432 37 VARBERG
> Svedia
> Tel: +46 (0)340-875 45
> (Mobil: +46 (0)730  65 60 21)
> Skype: untorrente
> e-post: [log in to unmask]
> 
> Interlingua - le latino moderne international e simplificate.
> www.interlingua.nu
> 
> 
> --
> Pro leger le archivos e pro modificar o cancellar le subscription:
> http://listserv.icors.org/archives/interlng.html
> 


--
Pro leger le archivos e pro modificar o cancellar le subscription:
http://listserv.icors.org/archives/interlng.html