Ultra le materias in le  Bibliotheca del Citate  de Nove York de
IALA,  le Universitate del Stato de Nove York a Albany,  Nove York
SUA ha materias--articulos e manuscriptos--de Dr. Gode obtenite de
su casa a  Croton-on-Hudson, NY  per un professor del germano. Io
ha obenite un copia del prime volumine de  "Interlinguistic
Standardization"  per E. Clark Stillman e Alexander Gode, Ph.D..
Isto esseva le initial manual pro guidar linguistas in extraher  e
standardizar le vocabulario international.  Io ha imprimite selectiones
de illo in editiones de Confluentes, le periodico del Societate American
pro Interlingua.  Istos es disponibile a www.interlingua.us in formato
PDF.

Io pote inviar un CD ROM de materias de interlingua a alcuno qui
se interessa in obtenir exemplares de dictionarios e grammaticas
de interlingua (le IED, le CEID (prime edition), le Glossario
Espaniol-Interlingua, le Interlingua Grammar de Gode e Blair, le
Breve Grammatica de  Interlingua (Mulaik)), numerose textos in
interlingua, copias de Confluentes, del FORO (publicate per me
inter 1961-1963, que ha articulos per Gode, e altere interlinguistas
de aquelle tempore); lectiones per Harleigh Kyson pro apprender
interlingua.  Le CD-ROM contine 216.7 MB de informationes.

Le  CD-ROM es inviate gratis (durante que il es facibile pro inviar
lo a un manata de personas).  Me invia tu adresse residential
e io va inviar lo con un copia de mi Breve Grammatica de Interlingua
e un studio del  particulas in le linguas romance (in 9 linguas) e
lor variantes in interlingua.

Stan Mulaik