Prestre belge appare ante un corte in Rwanda

Guy Theunis essera questionate per un corte in
Rwanda. Le belge prestre catholic apparera ante
un corte in Rwanda, accusate de adjutar incitar 
le genocidio in 1994.

Guy Theunis, 60, es le prime estraniero qui appare
ante un corte 'gacaca' establite pro investigar le
genocidio in le qual 800,000 Tutsis e moderate Hutus 
moriva.

Ille es accusate de reproducer articulos incoragiante
le massacre de Tutsis in un revista que ille redactava.
Le corte decidera si ille debe esser confrontate con
iste cargos in un judicio.

Le Ministro del Estraniero belge Karel de Gucht expressava 
surprissa de que le prestre esseva arrestate. Ille demanda
un explication de Rwanda.

Guy Theunis esseva detenite in le aeroporto de Kigali, le
capital de Rwanda, le martedi, quando ille departiva pro
su focar in Sud Africa ab le Republica Democratic del Congo.

Ille esseva un missionario in Rwanda, previemente un
colonia belge, ab 1970 usque 1994.

Un panello de judices del corte 'gacaca' in le area de 
refugiatos questionara Guy Theunis e ascoltara le
testimonio de personas qui cognosce le implication 
de le prestre in le genocidio.

Si le corte decide que il ha bastante ration pro iste
cargos ille apparera ante un corte que pote dar un
sententia multo serie.

Le cortes local appellate 'Gacaca' in Rwanda nunc
numera in le centos. Iste son cortes que nunc 
accellera le procedimentos contra tantes qui es
accusate de esser implicate in le genocidio.

Le prosecutor Emmanuel Rukangira declarava le
previe septimana que Guy Theunis habeva incitate 
citatanos de Rwanda a committer genocidio pro 
medio del republication e distribution de articulos
extremista del revista 'Kangura' in su revista 'Dialogue'.

Le ex-redactor del revista 'Kangura' Hassan Ngeze ha
essite sententiate a prision a vita per le corte del Nationes 
Unite a causa de su involvimento in le genocidio.

Alcun membros del hierarchia catholic in Rwanda habeva
tenere relationes con le politicos extremista e adjutava
le militias hutu in le massacre de 1994.

Milles de tutsis esseva occidite depois cercar refugio in
ecclesias. 

In 2001, un corte de Brusselles condemnava duo monachas
catholic pro su participation in le genocidio.

In le 11 annos usque le genocidio, alcun citatanos de Rwanda
se a convertite al Islam, disgustate con le ecclesia a causa del
involvimento de iste in le massacres.

----
source: Missionaries of Africa website

=====================================================Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:

  http://www.interlingua.com/
=====================================================