Scribe STAN MULAIK <[log in to unmask]>
>
>Io ha legite un articulo per un jornalista in le jornal hodie
>super le nove Windows XP.  Ille assere que Microsoft ha facite
>un mal decision in requirer que on compra un nove copia del
>programma pro cata computator que on usa.  Si o non isto es
>illegal, gentes va facer copias.  Hodie si un familia ha
>tres computatores que ora usa un sol copia de Windows 98,
>illes non vole pagar $830 pro tres copias de Windows XP.
>Possibilemente illes va pagar $100 o $150, mais non $830.
>In le presente economia debile, a fortiar gentes a comprar
>tres copias pro tres computatores non va functionar.  Illes
>va attender a un nove politica o a fin le exigentias del
>labor require le nove systema.  In le interim va un altere
>compania producer un equalmente o melior systema?
>
>Stan

Un nove facto que me face sempre plus comprender que USA e Italia es le
mesme realitate in multe situationes. Juste le preoccupation, de un parte,
totevia io crede que in un familia, probabilemente, on pote trovar
solutiones plus economic con le mesme software Microsoft.
Comocunque si nos vole le progresso, nos debe esser disponibile a pagar le
investimentos que sta retro un software.
Jay scribeva de precios que me pareva plus economic in comparation a $830, o
io rememora mal.
Il es universalmente note que omne computer debe haber software original
etsi Microsoft discoperiva organisationes statal que non era in iste
situation legal.
Un politica de precios plus accessibile depende de tante factores e un casa
(interprisa) si ha le fortia de mantener un precio alte, ha anque un
qualitate de producto que justifica isto, alteremente nos serea in presentia
de un clientela poco sagace o que seque un moda.
De un altere parte le permitter a un software de esser compatibile con illo
que precedeva, es un altere qualitate que es digne de un precio adequate.
Altere realitates, pote illos garantir solutiones de continuitate al par de
Microsoft? Illos haberea, a paritate de qualitate e con melior precios, un
acquisition del clientela que ponerea in difficultate Microsoft. Si isto non
adveni, il debe exister un diversitate de qualitate, como in omne altere
situation.
In mi vita professional io assisteva sempre al progresso de un interprisa
que ha le corage de facer assecurantia in le qualitate de su prodution.
Ciao,

Mario


_________________________________________________________________
Scarica GRATUITAMENTE MSN Explorer all'indirizzo
http://explorer.msn.it/intl.asp