Le idea del evolution darwiniste, que tote le cosas se origina
spontaneemente per gradual transformationes a partir ab le nil, opprime
desde un seculo e medie nostre cultura, nonobstante haber illo essite
repetitemente e clarmente confutate como necun altere theoria al mundo.
Illo non si limita a sententiar sur plano strictemente biologic, illo ha
extendite su influentia anque al historia del civilitate. Fortunatemente
nos hodie sta a assister a su fallimento scientific e a al cadite de su
ideologia.
Le cosa plus impressionante que io trova in toto isto es que tote le
mundo se ha nutrite a su mamillas e ha crescite sub su umbra como Remo e
Romulo cresceva sub le protection del lupa.
Le philosophia del darwinismo es le "materialismo" e illo es in aperte
contradiction con le doctrina christian e spiritual totevia le mundo
christian esseva perfectemente domesticate e cecate e ora le gente non
es capace de vider que tal theorias non pote esser conciliate con le
doctrina del creation.
Multe de nos time de esser etichetate como obscurantista si declara de
non creder al evolution, perque in realitate le darwinismo se ha
insinuate prepotentemente ma in maniera subtil in nostre vitas que nos
hodie non es capace de liberar nos de tal preconceptos, forsan esserea
plus facile acceptar que le mathematica es false e refusar lo que
acceptar que le darwinismo es solmente un belle fabula.
Io ha le impression que il es de commun opinion que tote le scientistas
in le mundo es athee e pro-evolutionistas e que illes non poterea esser
credente o pro-creationistas e contemporanee creder in le scientia,
totevia isto es un concepto absolutemente  false. Il ha grande homines
del scientia que crede in Deo e crede que le darwinismo es un mendacio.
Le scientia e le religion non es contraponite, al contrari le religion
comprender tote le ver scientia.


Jo