Il sembla que se "globalisation" es le objectivo nos jam ha attingite bastante
grande distantia a iste via. Quando Jay et Mario discute le schola et le
politicos ego senti que es quasi nos discuterea le situation in Svedia!

Assi: Le classes de schola se face sempre plus grande. Le inseniantes ha plus
de classes et quasi non pote memorar omne alumnos!

Ci in Svedia on parla del mispreciation de politicos. Le politicos - on dice -
participa in programmas de ludos in le television pro render se plus popular.
Ego qui non possede un televisor audi solo echos de ille cosas, que le lider
(ductor?) del partito liberal participa un programma de intervistas quasi-
semi-sexual et discute su vita sexual et su meritos phallic! Su partito (le
liberales, que me multo place in principio) es in cursa de cader ex le
parlamento.

Le premier qui poterea ganiar le "Precio del bruto del anno" (si il haberea un
tal) forsan es injustemente judificate via le medios et appare anque in
programmas televisive pro demonstrar su latere human.

Ego discute le cosa con un amic.

Amico: Nos ha mal politicos.
Ego: Ma nos selige illes.
Amico: Ego ha solmente date mi voto.
Ego: Ma esque tu ha participate in le nomination del candidatos de tu partito
favorite?
Amico: Non. Ma le politicos solo es eligite pro prender plus de moneta, in
facto furante ille moneta de nos....

Ego ipse non ha participate in le selection de candidatos. Ego ha solmente
votate in le electiones, probante eliger le partito que es le optime.

Forsan nos ha le politicos que nos merita?

Personalmente, et ci in Svedia, ego ha le impressin que le politicos se misce
in detalios et non face lo que ego suppone debe esser lor deber principal, a
saper furnir le regulas, legislar etc. assi que nos alteres va haber un gruppo
de directivos secundo le qual ager.

Il ha plus a ille question, ma ego va retornar....