Proque non menar le discussiones grammatic privatemente. On pote colliger
le adresses de personas interessate e inviar a illes, como io ha facite.
Omnes qui vole participar un discussion grammatic con me e altere
interesses pote inviar un littera electronic a me e indicar isto.

Quanto a Interlingua in Europa io lo pote accessar per mi Netscape. Lo que
me enoia es que ille methodo es si lente. In Svedia nos paga pro cata
minuta, mesmo in un connection telephonic local. Io ha audite que vos in le
statos non paga pro le connectiones local. Telia, nostre statal interprisa
de telecommunication es in le processo apprender que on debe comportar se
differentemente si on es un entitate private o si on es plus o minus un
autoritate statal. Como in Russia le interprisas crede que esser private
significa prender horrende precios e comportar se como un brute verso le
clientes. Le Telia lentemente apprende e ha essite multo affabile a me
durante le ultime annos. An se gaude del amelioration! (Ironic contorsion
del facie).

Le mer pensata de "scriber a machina" telephonicamente connectite (on line)
es horrende. Primo on cerca le tabula de messages, postea on absorba le
messages al disco dur. On preme _absorba como_ e postea - al minus io -
debe quittar le Retinage (Netscape :-) e finalisar le connection. Si io non
face isto le damnabile programma crede que il ancora es un connection al
rete que non functiona, e io recipe un message  totalmente insan!

Tamen, maestrante ille trivialitates io pote leger le messages, e il es bon
que illos es accessibile ibi. Io pensa de como facer le communication plus
efficacemente.

Il ha un altere methodo. On pote facer un lista a Onelist o alque simile.

Il pote esser solo un interprisa de telecommunication que ha inventate le
idea que on usa un lector (de typo Netscape) pro leger messages a tabula.

Io tenta excogitar un optime methodo pro leger le messages e responder a
illos. Lo que io _ha_ facite es de scriber mi messages in un altere
programma e postea accolar los in le pagina del Delphi.

Pro mi Mac io usa un Eudora, que io simplemente _ama_, in le PC que io
antea disponeva io etiam habeva Eudora. Un amabile programma, le optime, a
mi aviso.

Amicalmente

[log in to unmask]
Kjell Rehnstroem
Vaenortsgatan 87
S-752 64  UPPSALA
Svedia - Sweden