SALAMANCA, Hispania, 1 de junio (Reuters) - Le coordinator de pace de
Bosnia describeva le provincia perturbate de Kosovo como un pulveriera
e exprimeva anxietate que le conflicto pote extender se a altere paises
vicin.
"Kosovo es potentialmente ... un situation explosive," Carlos Westendorp,
le Alte Representante del communitate international diceva a Reuters
in un interview.
"Kosovo ha devenite un pulveriera in le Balkanes," ille addeva. Ille
diceva 'forte repression' per le serbe armea e policia paramilitar
impejora le situation in Kosovo, ubi un suppression de separatistas
albanian ha prendite tante vitas in menses recente.
Westendorp, qui attende un conferentia international in Salamanca,
appoiava un decision per ministros estranier de OTAN iste jovedi previe
a ordinar exercitios militar in Albania e Macedonia, que es al frontiera
de Kosovo.
Le ministros anque commissionava planos pro un possibile displicamento
preventive de truppas al frontieras de Kosovo.
Westendorp diceva que le milles de truppas que va prender parte in le
exercitios poterea adjutar a impedir le problemas de extender se de
Kosovo a su vicinos.
"In Albania e Macedonia ... alcun grande problemas poterea occurrer,"
ille diceva, referente a un possibile effecto de reaction in catena
que alcun analystas political time poterea accender un altere guerra
del Balkanes.
Albania ha repetitemente requestate truppos de OTAN pro su frontieras con
Kosovo, e un official de OTAN diceva que le optiones militar ha essite
sub studio pro un mense. On ha considerate un fortia de usque a 23.000
truppas super le frontiera de Kosovo, fontes a OTAN diceva.
Mais Westendorp diceva que truppas solo non solverea le problemas in le
Balkanes e urgeva le Presidente de Yugoslavia Slobodan Milosevic a
acceptar mediation international in le conflicto in Kosovo.
'Le sol via es le dialogo, e mediation (international) poterea anque
operar in su favor,' Westendorp diceva.
"Milosevic ha problemas economic seriose e es ora isolate per le
communitate international e tosto o tarde le populo va demandar al
votation le cosas que ille non ha providite les," ille diceva.
Westendorp diceva que il esseva un "requisite necesse" que Milosevic
accepta mediation per le previe prime ministro hispanic Felipe Gonzalez,
qui ha essite nominate per le major poteres occidental e Russia a
ager como un emissario de pace. Mais Milosevic ha refusate a acceptar
directe intervention externe.
Westendorp diceva que le arresto del leader del serbos bosnian Radovan
Karadzic debe esser executate sin retardo.
"Ille es matur pro le collection. O il occurre per su proprie arbitrio
libere o ille del communitate international o fortias va intervenir
a facer lo.
Westendorp diceva, "Il debe esser executate tosto"
Karadzic ha essite accusate duo vices per le Tribunal International
de Crimines del Guerra in le Hague super accusationes de esser le
cerebro de "dismaculation ethnic" de musulmanes e croatos durante le
guerra in Bosnia de 3 1/2 annos que finiva in 1995.
(Traduction in Interlingua)
Stanley A. Mulaik
School of Psychology, Georgia Institute of Technology, Atlanta, GA 30332
uucp: ...!{decvax,hplabs,ncar,purdue,rutgers}!gatech!prism!pscccsm
Internet: [log in to unmask]
~~~~~~~~~~~~~~~~~~~~~~~~~~~~~~~~~~~~~~
Un traduction de un notitia in soc.culture.europe que io addeva al
filo.
Stan
|
