d[050622] x[Kiviaho Allan] z[KivA-56Mmc] r[KovP-56I]
s[Re: Le die del victoria in Moskva e le paises baltic. BBC]

[log in to unmask]

----------------------------------------------------------------
Kiviaho Allan 050605: On Fri, 6 May 2005 09:42:40 +0300, Allan
Kiviaho wrote:
http://news.bbc.co.uk/1/hi/world/europe/4517683.stm
BBC News
Last Updated: Thursday, 5 May, 2005, 15:26 GMT 16:26 UK
Russia denies Baltic 'occupation'
- - - - - - - - - - - - - - - - - - - - - - - - - - - - - - - -
Kovacs Peter 050619: Io demanda, esque iste littera ha ulle
relation con interlingua?!
Illo es plenmente in anglese! Mesmo le thema non se concerne
ad interlingua...
Si illo esseva o in interlingua, o in le thema de interlingua,
alora al minus un connection haberea le email con interlingua...
-------------------------------------------------------x--------

Servus, Peter, le vetule huszar e honved!

Io era bastante stupefacte quando io legeva tu message.

Io vide que iste message es probabilemente le sol
message in mi historia como interlinguista (9 annos e
alicun menses) que io ha inviate a un foro de
interlingua sin mi normal titulos ("headers") del typo
:: d[050506] x[Kiviaho Allan] z[KivA-556xx] etc.

Assi, illo non era un message "interlingual". Sed que
in iste caso?

Ben, in iste dies (2005-05-06) io era in haste grande
proque nos preparava nostre viage a Estonia, pro un
vacation de 8 dies a un spa in Pärnu. De altere latere
io era multo interessate del "Den' pobedy" (Le die de
victoria) in Moskva, proque io ha vivite le annos de
guerras 1939-45, le sposo de mi amita era un juvene
estoniano qui serviva como voluntario in le armea
finlandese e post le guerra ille travaliava pro le
Commission de Controlo de Alliatos (sovietic-britannic,
ver, le rolo britannic era solmente formal) como
chauffeur
:: (io ha sedite como un puero de 10 annos in le
:: limousine de general-colonnello Andrej Zhdanov, "le
:: assassinator de populos libere"),
ca. in 1946 le "Valpo" (Valtiollinen poliisi- Policia
statal), le "KGB" finlandese, tunc in manos de
communistas, arrestava le e ille era deportate a
Russia.

In nostre spa meraviliose ("Viiking") io poteva vider
al minus 5 canales de television russe e reguardava omne
ceremonias in Moskva e un multitude de documentos e
peliculas sovietic del era de guerra e post le guerra.
(Historia militar es un grande hobby mie).

Io habeva inviate le articulo del BBC in maniera de
"forward" - que etiam non es mi practica normal.
Probabilemente io habeva intendite lo a mi amicos
finlandese, forsan membros del Union Paneuropee
Finlandese (io es un membro, atque un membro del
direction, de iste organisation), o a mi ipse pro
re-editar post mi vacantia in Estonia. Io va crear
un sito in interrete pro iste thema. Le titulo era
in interlingua, totevia, io face multe propaganda in
interlingua in le Union Paneuropee.

Vide e.g.
http://www.interlingua.fi/iafiup.htm

Como le statouniteses dice: "Shit happens!"

----------------------------------------------------------------
Peter 050619: Io demanda, esque iste littera ha ulle relation
con interlingua?!
-------------------------------------------------------x--------

Hm, illo vermente HA un relation: Le scriptor de illo
es le presidente del AFIL - Association Finlandese pro
Interlingua, un association legalmente registrate [*]
habente un sito official in interrete - que es bastante
costose a me ... :-) :-) :-) :-):-) :-):-) :-):-) :-)

:-) :-) = Ha-ha!
:-) :-) :-) = Mua-ha-ha!

[*] An le hungaros poterea fundar un association
official pro interlingua, legalmente registrate o non,
in Magyarorszag?

Salutante

Allan Kiviaho

======================================================
Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
======================================================
Visita le sito official del Union Mundial pro
Interlingua:

  http://www.interlingua.com/
======================================================