>Date:    Sun, 23 Feb 2014 15:56:30 +0100
>From:    Ruud Harmsen <[log in to unmask]>
>Subject: Systema monetari europee (esseva: Adjuta parve)
>
>09:06 23-2-2014, Mulaik, Stanley A:
>>Io ha interesses ora economic, e io vole comprender melior
>>  le systema monetari e bancari in Europa.  Io crede
>>que Europa es condemnate a fallimento si illo non forma un
>>governamento central con poter soveran super su moneta.
>
>Illo ja existe: le Banco Central de Europa, http://ecb.europa.eu,
>in que le bancos central national prende parte. Le bancos central
>es, e debe ser in mi opinion, independente del governamentos.
>
>>In le Statos Unite nostre Banca Central, le Federal Reserve
>>(Fed) ha duo mandatos: (1) stabilitate de precios (2) plen
>>empleamento.  In Europa le ECB ha solmente le mandato de
>>stabilitate de precios, e isto pote mantener se quando il
>>ha milliones sin empleamento.
>
>Crear plus moneta solmente pro crear plus empleos, io crede non
>es un bon politica. Plus moneta significa plus debitas, e isto
>non es mantenibile in longe termino.

Le moneta non crea nove ressources, mais illo pote esser usate in
extraher nove ressources sin inflation si le costo non cambia.
Le idea es crear plus moneta pro usar abundante ressources e inusate
capacitate productive e obreros sin empleamento a precios e gages
stabile.  Precios e gages non va crescer se fin que il ha 
plen production e plen empleamento. Ultra isto plus moneta es
inflationari proque le nove moneta non produce nove ressources o 
obreros. Il ha inflation solmente quando plus moneta circula e 
production non pote crescer se proque il non ha plus ressources 
pro construer nove fabricas e non plus obreros pro facer le benes.

>
>>Le austeritate es un false systema.
  
Le austeritate crea sufferentia innecesse.
>
>Io non concorda. Stimular le economia con sempre plus moneta, de
>maniera que le gente compra plus cosas que illes non realmente
>besiona, non es un systema sensate.

Durante un deflation, gentes compra pauc cosas que illes non ha
necessitate de. Il ha troppo obreros sin empleo, sin moneta pro
comprar le benes basic pro vita.  On debe stimular un economia quando
illo es in deflation. On non debe stimular quando illo ha plen
production e empleamento. 

>Le
>Statos Unite habe un deficit budgetari de quante? - 10 procento
>del Producto National Brute? Iste es - como sempre: in mi opinion
>- completemenete irresponsabile. 

Japon ha un deficit budgetari de 200% PNB. Illo es prospere.
Le ration es que troppo moneta parti del pais a importos o de 
circulation. Le japoneses es compulsive in adder a lor sparnios.
Le governamento debe crear nove moneta continuemente pro evitar
deflation e recession. Mais lor debitos es in lor moneta. Le
Banca de Japon pote crear le moneta pro pagar lor debitos.
Un pais debe lassar flottar lor moneta in excambios international.

Ruud,
  Io intende de ubi tu veni in timer le excesso de moneta in
circulation.  Tu ha le experientia del hyperinflation de
Germania pois le Guerra Mundial I. E il ha le hyperinflation in
Zimbabwe.  Mais le Theoria Moderne de Moneta TMM dice que isto
representa special situationes in que le governamentos del
paises habeva debitos in altere monetas que le lore.  Germania
pois le Guerra Mundial I habeva grandissime reparationes pagar
al victoriose alliatas in auro que illes non habeva. Le reparationes
esseva duple le valor de tote cosas in Germania. De plus
il non esseva le governamento de Germania que creava le
excessive moneta, mais le bancas private.

Io non admira Hitler generalmente, mais io da ille credito quando
ille veniva al poter, ille sequeva le aviso de un theorista
monetari qui diceva que Germania debe refusar pagar le
reparationes, debe crear nove moneta de decreto ultra lor marks, usar
expendituras deficitari solmente quando il ha un seriose
caso de populos sin empleamento, e debe usar le trocar pro 
obtener benes extranee in loco de comprar los
con moneta lore. In tres annos Hitler habeva restaurate
le economia de Germania a bon sanitate, e esseva in dece annos
capace de facer guerra contra le resto del mundo pro 6 annos. 
Sin tal successo economic Hitler non haberea habite le
appoio de su populo pro le guerra. 

In Zimbabwe, le governamento habeva debitos international 
in dollares e altere monetas e non in lor proprie moneta. 
Lor moneta non esseva libere a flottar in excambios. Como le 
moneta parti del pais a creditores international, le governamento
debeva reimplacia aquelle moneta sue con nove moneta. 
  Assi le hyperinflation es
un phenomenon de special circumstantias.  Le mer facto que
on pote crear moneta non implica que on debe crear moneta
excessivemente. 
  Un major misconception es que le creation de moneta immediatemente
devaluta le moneta. Le valuta de moneta depende super le
negotiationes super precios con moneta in circulation. Le valuta de
moneta es stabile si il ha materiales e ressources additional,
capacitate productive non usate pro producer benes e obreros
sin empleamento que on pote emplear a precios e gages stabile. Isto
occurre durante deflationes. Le nove moneta debe corresponder al
costos de crescite production e gages de nove obreros al mesme precios.
Quando il ha plen production e empleamento, on non debe accrescer le
stock de moneta in circulation.
  Le governamento que pote crear nove moneta crea moneta sin debito.
Bancas private crea debito quando illos crea moneta per prestar.

Stan


--
Pro leger le archivos e pro modificar o cancellar le subscription:
http://listserv.icors.org/archives/interlng.html