>Hehe! Imagina que occurrerea si nos nos incontrava in realitate! In facto
>il
>sembla que le differentias cultural es satis significante inter le populos
>al
>sud e al nord del Alpes! Le question es si isto es un false vision de mi
>latere
>o si illo ha un fundo in le realitate.
>
>Cellus

Le differentia al qual tu face referentia existe in omne localitate e, si
nos vole, illo constitue un certe fascino e securmente un characteristica
del locos. Totevia isto tende a modificar se rapidemente ora e isto es
inevitabile pro le actual mobilitate del personas etsi illo es un perdita de
individualitate.
Nos poterea anque observar que le periculo de un integration non es assi
grave, ni possibile. Per exemplo mi dialecto pareva que debeva disparer se
un vintena de annos retro, al contrario illo es ora vive e vegete. De
consequentia nos modifica nostre habitudes, sed non completemente.
Uno debe haber su convenientia, alteremente a uno non convene. Como serea
pro me acceptar tu alimentos? Io time que il serea un disavantage pro me!
E le influentia del tempore?
Iste autumno se mitte mal. Nos ha le arbores que tende a producer le gemmas
como in primavera e on dice que le proxime anno nos non habera bon fructos a
causa de iste retardo del frigide.
Vide tu, non haberea convenientia a facer un breve periodo de intercambio.
Comocunque illo deberea esser vermente breve.
Ecce le sol que me entra del fenestra. Io va un poco a promenar.
Ciao,

Mario

_________________________________________________________________
Scarica GRATUITAMENTE MSN Explorer all'indirizzo
http://explorer.msn.it/intl.asp