In le comenciamento de maio iste anno il era
annunciate le formation de un academia islamic in
Svedia. Le intention es fundar un universitate
islamic in Svedia pro possibilitar le studio et
propagation del islam in Svedia. Membros del
academia es un ben cognoscite imam, qui antea
laborava apud le moschea in Uppsala, e le
traductor del Koran in Svedese, Mohammad Knut
Bernström.

Assi explica un portavoce del academia le scopo de
iste academia: Etsi le institutiones theologic
apud le universitates svedese studia le islam, on
lo face de un position extra le islam ipse. Il es
pro iste causa desirabile que on etiam pote facer
tal studios de un position intra-islamic et crear
vias pro integrar le islam con le societate
svedese. "Isto non del toto significa que on vole
tornar omne le svedeses al islam, sed plus tosto
nos vole possibilitar le existentia del islam in
le societate svedese", dice le portavoce.

Cellus Purfluxius