Mario Malaguti wrote:

> (...)
>
> Iste matino io initiava mi solite promenada al 8:30 e solmente quatro horas
> postea io retornava a mi domo. Le temperatura era plus 10 grados C a Treviso
> e al mediedie, totevia durante le notte passate, in le Bosco del Cansiglio,
> in linea de aere a 40 kilometros de mi domo, le temperatura perveniva a
> minus 26 grados C.!
> Il non ha plus religion!
> Usa tu iste expression pro exprimer un facto que non es congrue?
> Mesmo le vipera con iste temperaturas non vade de accordo.

Is possibile que tu lo ha usate antea, il sona in un senso cognite: "Il non ha
plus religion!" Io quasi suspecta que le expression pote exister in polonese,
ma in svedese certo non. Isto proque illo sona familiar.

Naturalmente un Vipera ver = un Vipera berus dormi sub le solo in iste tempore
del anno. Altere, plus metaphoric viperas gaude del frigor (memora, il non ha
mal tempore, solo mal vestimentos!) Io ha mesmo facite un poco ski.

In le urbe Sala decenas de kilometros de Uppsala on notava minus 27 grados.

> (...)
> Assi io non sape imaginar le avantage que tu propone, car amico!
> Sape tu? Facer fatiga non es le maximo de mi aspiration (? le italiano
> aspirazione, anglese e francese aspiration, e totevia io pensa que iste
> termino non sera ben comprendite; in iste caso io lo usa, como le franceses,
> pro exprimer un grande desiro pro consequer un scopo). Facer fatiga non es
> le maximo de mi desiros!

Haber aspirationes es tanto bon como illo es un bon parola interlingua.

Le temperatura vade in alto. De minus 19 hodie a minus 8 al presente. Le
meteorologos promitte grados super zero le septimana proxime.

E le pressa va parlar del approximante primavera e que le calefaction global es
un realitate, un cosa le qual on non ha mentionate in decembro le anno passate
e in januario iste anno!

Amicalmente
Kjell V. R.