Salutes cordial al lista INTERLNG,
        Da qualque septimana io sequeva vostre discussion super le pena de
morte in le States Unite (e, debe dir que io es del opinion que iste
practica es barbaric e inutile).  Heri vespere io ha spectate un film nove
de Errol Morris, appellate "Sr. Morte: le ascension e cadita de Fred A.
Leuchter, Jr." [Mr. Death: The Rise and Fall of Fred A. Leuchter, Jr.], le
qual es vermente un obra de maestra.  Io vos recommenda sin reservationes
- iste film offere un perspective nove su le mentalita de uno del plus
pictoresc partisanos in favor del pena de morta hic in le States Unite.
         Iste film educative seque le vita triste e morbide de Sr.
Leuchter, un autodidacte experto del pena de morte.  Sr. Leuchter gania se
de un certe celebritate quando ille reconstrue le cameras de morte in
qualche statos esser plus efficace.  In fact, ille deveni considerate un
'humanitario' a causa de su obras, e bentost ille es advocate a testificar
in Canada pro le (in)famose revisionista Ernst Zuendel como un experto su
le cameras a gas.  Zuendel invia Leuchter e su sposa a Auschwitz pro lor
honeymoon (io non succedeva a trovar iste parola nec in le IED nec in le
iaglos), ubi Leuchter inspecta le campo de concentration.  Leuchter
testifica pro Zuendel que il non habeva cameras a gas a Auschwitz e
deveni imbraciate como le salvator del movimento revisioniste.
        E le resto, como on dice, e historia.
        Le ver stella de iste film es Sr. Leuchter, qui es tanto
disconcertante que ille es vermente fascinante, e on non pote non presta
attention a le, malgrado que on deveni reimplete con disgusto a causa de
su attitude impenitente.

-Chollie