Le 5 Dec 2001 12:21:32 +0100, Erik Enfors scribeva:
>Ante un septimana mi computator esseva affligite per le virus BadtransB.
Io anque recipeva le virus de tu computator. Fortunatemente, como
usator de un systema non-Microsoft (mi computator es un Macintosh e
mi programma de e-posta es Eudora), io es totalmente immun.
Nonobstante il es enoiose esser inundate con massas de attaccamentos
virose.
Sequente le suggestion recente de Jan Årmann in iste lista, permitte
me de facer alcun suggestiones linguistic inter mi responsas...
[...]
>Mi protection contra viruses, InoculateIT, non habeva registrate le intrudor
Suggestion linguistic: Tu vole dicer "intrusor": in-trud-er
[-trud-/-trus-] rende in-trus-or (compara "intrusion"). Un option
alternative es in-trud-it-or (compara "intrudite").
> probabilemente perque mi innovation esseva troppo vetule. Secundo
>informationes que io recipeva le virus esseva discoperite 4/11/2001.
>In Svedia isto designa le 4 de novembre e in USA le 11 de april,
>un facto idiotic, e io non ancora sape lo que es correct iste vice.
>Quando io innovava le programma io obteneva le information que un certe
Suggestion linguistic: Io lo trovava un pauco difficile determinar lo
que tu significava con "innovation" e "innovava" - isto pro me
suggere un *invention* de nove capabilitates fundamental del
programma. Io propone in vice "actualisation" e "actualisava", o
possibilemente "renovation" e "renovava".
[...]
>Nunc io poteva aperir Outlook e recipeva plus de 100 messages que
>rapportava que io habeva BadtransB. Le plus de iste adresses NON es
>in mi adressario lo que me surprisava multo. Dunque le virus pote
>acquirer adresses in altere adressarios e totevia disagradibilemente
>designa me como expeditor.
De facto, io crede que iste virus, e alteres, es capabile de colliger
adresses de e-posta del "cache" de Internet Explorer, in addition al
adressario de Outlook Express. Le "cache" es un area de deposito
temporari del paginas web que tu ha visitate, a fin que le navigator
pote monstrar los plus rapidemente si tu re-visita le mesme pagina un
secunde vice intra un breve tempore. Il es assatis simple cercar e
colliger tote le ligamines "mailto:" del files in le cache. Assi, le
virus se replica a tote le adresses mentionate in le sitos web que tu
recentemente visitava, in addition a tote le adresses in tu
adressario.
> Io anque nunc sape que le lettera que forniva me con le virus n o n
>esseva inviate per le persona qui io cognosceva.
>O esque il es possibile que le virus pote trovar ille adresses in un
>fila in Word? Alcun dies previe io habeva investigate in internet
>le pagina del Parlamento Europee e copiate le adresses de certe
>parlamentarios, sed solmente pro un fila in Word e non pro Outlook.
>Plure de iste adresses reageva. Qui sape?
No, io non crede que files Word es percurrite pro adresses de e-posta
per alcun virus actualmente cognoscite. Ma il es ben possibile que le
adresses esseva presente in le paginas web del Parlamento Europee que
tu ha visitate.
>Secundo un message de Rodrigo (via Ensjo) le 11 de octobre on pote
>evitar iste problemas per scriber le adresse 0000 in le adressario.
Isto es un mytho, que infortunatemente es ben propagate inter
usatores de internet, contribuente a un false senso de securitate. Le
addition de adresses invalide al adressario de Outlook Express
nullemente preveni le infection o propagation de viruses e-postal.
[...]
>Intertanto io mesme, forsan qua punition, ha essite affligite per un
>virus in un aure que me ha facite quasi surde ibi. Totevia le
>doctor non crede que le causa es BadtransB sed un altere virus. :-D
Oy. :-( Io spera que tu aure va recuperar se tosto.
- Martijn
|
