-----------
Novembre 30
-----------

06:50 Le armea sovietic comenciava forte foco de artilleria contra le
      truppas de protection finlandese.

07:00 Le truppas sovietic transpassava le frontiera finlandese in le
      Isthmo de Carelia.

--07:30  Le truppas sovietic habeva transpassate le omne frontiera
         finlandese de 1000 kilometros, ab le Golfo de Finlandia al
         Mar Glacial.

09:00 Le alarma aeree in Viipuri (Le secunde urbe de Finlandia, hodie
      occupate per Russia)

09:15 Le alarma aeree in Helsinki.

09:20 Tres bombatores sovietic attacca Helsinki. Damnos negligibile.

09:30 Lieutenant general Harald Öhquist, le commandante del II Corpo de
      Armea finlandese ordinava le bandiera de guerra hissate al turre
      del vetule fortalessa de Viipuri.

13:30 Le governamento de Finlandia declara le stato de guerra e
      marechal Carl Gustav Mannerheim es nominate le supreme commandante

      del fortias de defensa finlandese.

14:20 Signal de "Periculo aeree passate" in Helsinki.

14:50 9 bombatores sovietic attacca le cantiere naval de Hietalahti
      in Helsinki e jecta 133 bombas explosive e 60 bombas incidiari.
      91 personas morite, 36 ferite seriemente e 200 modestemente.
      Uno del prime victimas es Armi Metsäpelto, un extraordinaro
      belle puella de 7 annos. Illa deveni un martyre e le symbolo del
      brutalitate de un grande potentia contra un nation parve. Isto
      galvanisava le omne nation contra le assaltante. Illo era
      importante proque le nation finlandese habeva grande traumas post
      le guerra civil cruelissime inter le armeas blanc e rubie in 1918
      quando 30 000 - 40 000 homines era assassinate durante 3 menses.

------------------------------------------------------------------------

Si, in 1939, exactemente 60 annos retro comenciava le attacco de Union
Sovietic contra Finlandia, le Guerra Hibernal. Illo startava le periodo
le plus periculose in le historia de 82 annos del Finlandia como un
stato soveran.

Hodie le 09:15 horas omne sirenas de alarma in Helsinki signala pro
commemoration le prime alarma in Helsinki ante 60 annos.

Ab hodie le Canal III de television finlandese diffunde cata die un
reportage historic del Guerra Hibernal durante le omne 105 dies del
iste guerra.

--

Allan Kiviaho
Finlandia