Le die 28/02/2007 02:10 +0100, robocap gmail ha scripte quanto seque:
> Recentemente Georg Schmid (in Collateralista) avantiava le idea de
> crear un prime nucleo de un possibile communitate international con
> lingua official IA.
> 
> Le exemplos de nationes virtual in rete non manca (io mesmo es 
> inscribite a Nova Roma), ma le novitate del idea de Georg es que le 
> scopo principal de iste nation es le uso practic de IA.

Pote esser que un idea sympathic pote attraher nove personas a
interlingua... e provar face mal a necuno :)

> Pro exemplo, io discuteva qualque tempore retro con Diego Marani (le 
> autor de Europanto), qui dirige un officio de interpretes de UE, del 
> problemas practic nascite con le allargamento de UE.
> 
> Ille me explicava que anque Statos ubi le anglese es multo ben 
> cognoscite, como p.ex. Malta e Cyprus, non vole renunciar al
> recognition official de proprie lingua, assi in le Parlamento europee
> si le orator es maltese, ille vole parlar in maltese, e le officio de
> Diego debe reperir un interprete que traduce ab le maltese al anglese
> pro tote le alteres interpretes qui postea traducera ab le anglese in
> le altere 23 linguas europee (Il non es facile reperir un interprete
> maltese-finnese!).

Si, io ja sapeva del problemas de traduction del organos europee! E io
sape equalmente e le grandessa del traductiones e le moneta, face del
Europa le plus grande machina multilingual del mundo!

Sape tu qual es le idea de Diego Marani supra interlingua?

> Io opina que anglese non es facilmente acceptate como lingua franca
> quia es un lingua national, e que le rolo de "lingua intermedie"
> poterea plus profitabilemente essere assumpte per Interlingua. 

Si, supra le papiro illo es assi... Totes vole le dis-recognition de
anglese qual lingua official de Europa, e intertanto tote le statos
membros de UE augmenta le studio de anglese e diminue le multilinguismo
effective... Io e mi sororetta (12 annos), qui al schola medie
inferior[1] poteva sequer le projecto de bilinguismo, debeva
INCONDITIONATEMENTE studiar anglese e francese, ben que SUR LE PAPIRO le
linguas que uno poteva selectionar (derectiva europee) era equalmente
espaniol, germano e portuguese!!! MANCAVA LE INSENIANTES, me diceva :(

Proque in tu opinion il non ha jammais essite fundate un commission
linguistic, NON PRO SOLVER, mais justo pro clarificar le problema?
Le UE non ha jammais effortiate se pro cercar un solution melior como un
tempore ha facte le IALA!

Io non dice que interlingua debe esser le lingua franca de Europa (ben
que isto me facerea felice :P) mais si un commission serea fundate per
UE e illes me dicerea que europanto o swahili o chinese o esperanto
mesme DEBE esser le *translingua official de UE, IO SEREA MULTO CONTENTE
proque assi nos facerea un passo verso le efficientia e le equalitate
linguistic (sin considerar le beneficios al population, que in mi
opinion serea ben plus grande), e intertanto le multilinguismo serea
salvate proque in *ecce ille* caso vermente io serea libere e capabile
de imparar qualcunque lingua national europee! Io poterea simplemente
comprar un grammatica *translingua-ukraino (p.e.) e comenciar le studio
SOLO o contactante un persona matrelingue!!!

Certo que isto poterea occurrer equalmente con anglese... Mais in *ecce
iste* caso le solution non me placerea multo e serea plus difficile...

> Isto
> poterea esser un prime compito pro le Nation virtual de IA.
> 
> Que opina vos de isto? Altere ideas es benvenite.

Que nos prova! Que nos prova!

Io propone un governamento de typo federal como illo theorisate del
Movimento Federaliste Europee o Mundial
http://it.wikipedia.org/wiki/Movimento_Federalista_Europeo

> -- robocap

Salutationes
Giovanni

[1]
Ecce le typo de curriculum scholastic que io, mi fratre e mi sororetta
seque(va) (ora le cosas es un poco cambiate, e io non sape ben como :P)
schola materne (3 annos, ~ 3-5 annos de etate)
schola elementari (5 annos, ~6-10)
schola medie inferior (3 annos, ~11-13)
schola medie superior (5 annos, ~14-18)

universitate (~19 al vetulessa :P)

--
Archivos e disabonar: http://listserv.icors.org/archives/INTERLNG.html