Edinburg, 8 martio 2008
ab le inviate del Oculo robocap

Hodie a Edinburg il esseva comprobate le dicto: "le rugby es maximemente
un disciplina mental".  In effecto, le national scotese regulava le
partita con le Anglaterra como un partita de chacos, rumpente le joco
anglese con plure "cumulos" (="rucks") e placages e ganiante punctos con
colpos de pede placiate. Le equipa anglese, dotate de homines de major
peso, submergeva in le fango del prime tempore e solmente in le secundo,
basiate per un pallide sol, succedeva in concatenar alcun actiones
efficace. Ma istos non esseva sufficiente a plenar le disavantage. Le
partita terminava con le resultato 15 a 9 pro Scotia. Anglaterra es ora
matematicamente excludite ab le victoria final.

--
Archivos e disabonar: http://listserv.icors.org/archives/INTERLNG.html