Le cosa interessante con le fede baha'i es que io le prime vice audiva in
re illo durante mi tempore relativemente active in le movimento
esperantista. Il es assatis natural que un movimento como le esperantista
attraherea personas de religiones con scopos ecumenic. Un altere exemplo es
le religion Oomoto in Japonia. Ille religion ha etiam sequentes in varie
paises del mundo e le via per le qual io veniva in contacto con iste
religion era per su magazin. Lo positive que on pote dicer per isto era que
on donava multo de informationes interessante in re li vita in Japon.

Le altere religion dunque era le Baha'i. Ille fide sembla haber su plus
grande numero de sequentes in Iran e io sape que il ha un centro in Jaffa,
Israel. Io ha incontrate singule adherentes svedese e alcun de mi studentes
irani era baha'i.

Il debe esser multo interessante pro sociologos de religion studiar tal
religiones le qual ha ponite su radices in si varie culturas. Al minus
durante le prime annos del revolution iranian illes era energicamente
persecutate del revolutionarios moslem shi'ita, ma io ha le impression vage
que isto ha cessite.

Io pote imaginar al minus 3 definitiones de fundamentalismo.
1. Le popular, secundo le qual _fundamentalista = phanatico
2. Un definition secundo le specialistas de theologia. Io non comprende
iste definition.
3. Lo que io crede es le definition. Un fundamentalista retorna al fontes
pro vider lo que vermente es scribite in illos. In iste senso le
fundamentalistas es un specie de revolutionarios. In nostre historia de
christianismo nos retorna vice post vice al fontes, e il es possibile que
secundo iste definition quasi cata tendentia in el ecclesia durante un
certe stadio era fundamentalista. Luther ante que su fide se
institutionalisava... e postea le varie tendentias prende su fundamento in
varie partes del biblia.

Sin preoccupar se de lo que io pensa in ille cosas il es un thema multo
interessante.


Kjell [log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden