Le sorto del ranas svedese es identic a illo del ranas nederlandese. Il ha
locos ubi le ranas debe traversar un via national e frequentemente es
calandrate sub le ratas del autos. On solveva iste problema per construir
on raneducto sub le via national. A costos enorme.

Unquam io legeva un notitia stupefacente in re sauros. On haberea trovate
le relictos de sauros in Alaska. Secundo un theoria ille sauros deberea
esser _permanentemente calide_ como le mamales, viste que illos viveva si
proxime al circulo polar. Esque alcun de vos ha audite in re isto? Esque
vos sape alcun cosa in re le migration del continentes.

On dice que le circulo polar e le equator se move un certe numero de metros
cata anno. Tendentias? Esque nos omnes sur le hemisphere nord es in via
verso le equator. Naturalmente nos non jam nunc debe comprar grande
sombreros e crema solar con un exorbitantemente alte factor de protection
:-) sed tamen....

Le oliebollen - io curreva rapidemente a mi dictionario
nederlandese-svedese que me explicava que le bollas oleate es un specie de
"panificatos globular" que on fritte in oleo (de olivos, maiz o que sape
io). Sona multo agradabile. Bon apetito retroactive, Piet!

Amicalmente

P.S. Habente sequite auxlang durante alcun dies io de plus in plus apprecia
le calide e amical atmosfera in iste lista.


Kjell [log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden