Car Harleigh e alteres,

Il non es neccesari "forgiar" un interlingua parlate. Nos jam ha un
registration excellente per nostre veterano Ingvar Stenström. Le manual
imprimite es attingibile in plure linguas. .Ille ha como complemento a su
manual "Interlingua * Instrumento moderne de communication international"
registrate le sono de tote textos. Isto esseva ab initio a banda de cassette
normal. Nunc labor es planate a transferer le sono a medios plus moderne
como CD o file discargabile in Internet (mp3).

Ma il ha altere alternativas. Il jam ha plure programmas "text-to-speech" a
comprar. Vide per exemplo http://download.com.com e scribe in le rectangulo:
text to speech. Il ha non solmente versiones pro anglese. Ma interlingua
ancora manca. Io crede que il debe esser assatis facile a usar le version
pro italiano e adaptar lo pro interlingua. Il es remarcabile que on ha
potite facer un tal programma pro le lingua anglese/americano. Iste linguas
ha un multo grande discrepantia inter le orthographia e le pronunciation del
parolas. Un estraniero pote nunquam saper con securitate como un vocabulo
anglese imcognite in un texto debe esser pronunciate. Le facto que on ha
succedite facer un programma pro anglese indica que il es multo plus facile
facer lo pro un altere lingua que anglese. Le intonation e rhytmo de tal
registrationes es difficile a facer sonar natural.

Io pote anque recommandar interessatos a visitar
http://www.rosettastone.com/home Il ha ibi cursos in plure linguas e le
methodos me sembla extraordinari bon - ma expensive. Un version pro
interlingua serea un sonio!

Io vole anque referer al interprisa Kurzweil http://www.kurzweilai.net
Raymond Kurzweil es forsan plus cognoscite per su keyboards musical. Ma ille
ha facite un grande labor per construer material e methodos pro personas
cec. Ille e su compania pertine al expertos de scientia natural e le
adaptioens pro le futuro. Multo interessante discursos es a trovar sub iste
adresse. Tu pote anque incontrar le belle Ramona qui parla e responde tu
questiones con mimica facial natural.

Nos ha jam technica e methodos realistic pro presentar linguas parlate. Io
vole ben explorar iste cosas plus ma nunc io non ha le tempore proque io
nunc organisa le Conferentia pro Interlingua in Bulgaria

Janne


Jan Årmann/ Jan Armann
Generalsgatan 12 E, S-903 36 UMEÅ, Sverige/Svedia
+46(0)90771525, Mobil +46(0)706594934,
Sommar/Estate +46(0)52521485
[log in to unmask] , [log in to unmask]
Reserva [log in to unmask] ,
http://www.algonet.se/~armann