Car membros de Interlng...
Il es un gaudimento pro me leger le affirmationes
de fide christian al lista. Io spera que le personas
non disponite pro iste thema pote exercitar su
patientia con nos de persuasion religiose.
In particular io volerea adressar le terminos que
esseva mentionate al lista, christianitate, christo,
e christianismo. Hic, in un conversation in re
le vocabulario e le significato de iste parolas.
In prime loco, Christianitate me pare un termino
multo como "Cristiandad" in espaniol. In anglese
on dicerea "Christendom"... Iste denomination
frequentemente vole facer referentia al ecclesias
e su administration, le cathedrales, le edificios,
le cosas con substantia. Le Christianitate esseva
le organization responsabile pro le Crusatas contra
le "infideles" e le Actos de Fide ubi centos, forsan
milles --nonne? --de personas esseva conflagrate
al flammas in le nomine del religion. Ambe catholicos
e protestantes faceva iste holocaustos sin caritate.
On pote pensar del Inquisitiones, in special le
inquisition espaniol. Alsi le angleses que conflagrava
al juvene Anne d'Arc. E le protestantes que
conflagrava a Servetus. Tante suffremento!
Sacrificios immoral pro aterrorisar al massas del
populo e exercitar le fortia politic del representantes
del Christianitate.
Christo, le Ungite filio de Deo, non approbarea de
le extinguimento de animas in su nomine, ille es
le Salvator e le Rege del Regno de su Patre in
le Celos, ille non demandava le sanguine de
su inimicos mais pregava pro su salvamento
e le perdon (pardon) de su peccatos. Christo
nos insenia per le illustrationes, le amor de Deo
pro nos e le responsibilitate, le necessitate pro
nos pro exhibiter iste mesmo amor pro nostre
proximo. Le Christo, Jesus de Nazareth, le
Messia como Frank nos rememora, ille nos
insenia al Patre como un Deo de Amor, plus
felice con le peccator que se repente que con
le sacrificios al templo.
Le Christianismo es le action de sequer in le
passos del Christo. Le adherentia a su inseniamentos
e le exercitio de fide in le parolas de bon novas
que ille diseminava. Le obedientia al commanda
de amar a nostre proximo e demonstrar le fructos
del fide... amor, felicitate, pace, patientia, mercede,
bonitate, fide, mansuetude e controllo de se mesme.
In espanios on dice "cristianismo", in anglese
"Christianity".
Le comprension de iste terminos pote divider le
typo de persona que solmente se nomina christiano
in appellation e le persona que practica le inseniamentos
del Christo Jesus, le Exemplo Ver. Isto es un expresion
de mi fide e un testimonio del inseniamentos que io
apprende in le sancte scripturas. Io los offere con
un spirito de amicitia e con un sperantia de comprension
mutue.
Amical e sincermente,
con "agape"
Jay B.
--
[log in to unmask] [log in to unmask]
http://adam.cheshire.net/~jjbowks/index.html
~~~~~~~~~~~~~~~~~~~~~~~~~~~~~~~~~~~~~~~~~~~
|
