----- Mensaje original -----
De: ENFORS ERIK <[log in to unmask]>
Para: <[log in to unmask]>
Enviado: Jueves, 05 de Abril de 2001 06:10 p.m.
Asunto: SV: Febre aftose


> [log in to unmask]
> tel: 941-282-2606

Erik scribeva:

Io non crede que homines mangia plus poco de carne a causa
de Aphta epizootic perque quasi omnes sape que iste maladia
non es periculose pro humanos. Sed iste maladia ha diminuite
le accesso de carne in alcun paises e regiones a causa del
restrictiones re transportes.
Le maladia de vacca folle certemente ha facite que multe
homines non time mangia carne sed solmente multo poco in
Svedia gratias al facto que Svedia como le prime pais in
1986 prohibeva le uso de pulvere de carne fabricate ex
animales automorite e altere residuos animale. Iste forage
es le causa del maladia e in Svedia nulle vacca usque hodie
ha devenite affligite.
Io ama mangiar carne sed non omne dies del septimana. Etiam
pisces e multe vegetabilos es de bon gusto.

Io scribe ora:
    Io mangia multe carne, duo o tres vices per septimana.
Nos le argentinos per rationes de tradition ha le carne como
alimento principal. Ma in le ultime decennios le dieta se ha
diversificate.     Nos, lamentabilimente, ha novemente febre
aftose depost de alcunos annos sin haber casos. Le poc
control del frontieras ha permittite le ingresso de animales
desde paises vicinos que habeva le maladia.
    Io non sape si vermente tote le personas sape que le
febre aftose non es periculose pro le humanos, ma de facto
isto es assi. Le ver problema lo ha le productores de vaccas
proque a illes iste maladia causa grande perditas economic.
Le febre aftose produce in le vaccas "aftas" (esp: llagas)
in le bucca del animales e in le pedes. Tunc le animales non
pote mangiar ni caminar normalmente, isto provoca le perdita
de peso del vacca e dunque un importante perdita de monetta
pro le productor.
    Le maladia de vacca folle es altere cosa. Iste
infirmitate ha essite provocate per le irresponsabilitate
del humanos. Iste maladia sempre ha existite in le oves, e
illos ha essite mangiate per le homines durante seculos sin
necun problema. Ma le uso de oves infectate pro producer
alimentos balanciate pro boves ha transferite le maladia
verso le vaccas e depost per iste via verso nos. Trans le
augmento artificial del production, le humanos ha attingite
alco que pareva imposibile: ille ha transformate animales
herbivore in carnivore, con aquelle nefaste consecuentias.
    Le infirmitates que passa de un specie a altere es le
pejor que on pote imaginar. Le nove specie non ha armas de
defensa natural pro enfrentar le attaco. Le grippe espaniol
de 1918, que causava tante mortes como le prime guerra, era
un infirmitate de typo aviar (del gallinas) que passava
verso le humanos. Solmente in Europa se calcula que aquelle
infirmitate occideva a 20 milliones de personas.

Horacio Martinez