car amicos,

plus tosto o tarde nos debe apprender le utilisation de systemas
alternative, como le systema Linux, que es certemente plus robuste in re del
viruses.

georg


----- Original Message -----
From: Piet Cleij <[log in to unmask]>
To: <[log in to unmask]>
Sent: Thursday, March 25, 2004 8:48 PM
Subject: [INTERLNG] Viruses


> Car amicos,
>
> Hodie mi filio Vincent, qui es experto de informatica e de computatores,
me
> ha inviate un message importante super viruses. Il me pare que su
> informationes, que io traduce hic infra, pote esser utile anque pro altere
> personas.
>
>
> Hoi, Pa!
>
> Io te vole informar del menacia que tu computator pote esser infectate del
> virus Netsky.p o un altere typo de virus.
>
> Ante alcun minutas io ha trovate inter le messages recipite per mi
> computator in un vice 14 messages con viruses (7 vices Netsky.p e 7 vices
> viruses incognite) e solmente un message normal. Isto es, in omne caso pro
> me, un record. Heri in mi officio de travalio io ha removite circa 8000
> viruses (totes copias del mesme virus) del rete de computatores, proque in
> le computator de un collega le virus Netsk.p habeva penetrate, malgrado le
> facto que in su computator es active un scanner de viruses recentemente
> actualisate. Felicemente pro nos le scanner de viruses del servitor del
> officio ha evitate plus de miseria, ma toto isto me ha costate plus de 6
> horas de labor pro restaurar le ordine.
>
> Le virus Netsky.p es multo aggressive. Illo profita de un error in le
> Microsoft Internet Explorer, per lequal illo se activa sin que le usator
es
> active in alcun maniera. Le selection del message in question in le lista
de
> messages recipite jam suffice in multe casos. Non crede que, si tu usa
> solmente Microsoft Outlook (Express), tu non va haber problemas, nam
Outlook
> utilisa Internet Explorer pro producer tal nominate "messages html". Iste
> problema in Internet Explorer es presente in le versiones 5.01 e 5.5. In
> principio Internet Explorer 6.0 non poterea esser infectate, secundo le
> informationes de Microsoft, ma io ha le forte sentimento que anque hic le
> virus Netsky.p misusa un tal nominate "vulnerabilitate", que impericula
> anque IE 6.0.
>
> Como pote tu constatar que tu computator ha essite infectate?
> - Si, durante le reception e le reguardar de nove messages le Microsoft
> Player se pone automaticamente in action (o un altere application, como p.
> ex. le viewer de photos). In un tal caso il es multo probabile que tu es
> confrontate con un virus.
> - Si il ha avertimentos contra un virus con le invitation a aperir le
> attachamento accompaniante, il es quasi a 100 % certe que le message
contine
> un virus.
> - Si il ha altere advertimentos simile, p. ex. le information que tu pote
> trovar e remover viruses per medio del addite programma de scanner, tu
debe
> remover iste message immediatemente e io te pete de usar in iste caso le
> clave Shift, de sorta que le message ha disparite definitivemente e non
> resta in le mappa "items removite".
>
> Regrettabilemente multe scanners de viruses non pote recognoscer
> immediatemente un virus in un message recipite. Il ha diverse causas pro
> iste manco, p. ex. si le virus es celate in un "file zip" que non pote
esser
> discoperite per le programma antivirus, pro que illo es protegite per un
> contrasigno ("pasword"). Io ipse usa McAfee como scanner de viruses, ma
iste
> scanner ha le mal fama que in tote sorta de circumstantias illo non es
> capabile de recognoscer un virus. Sovente io sape que il es question de un
> message con virus (io lo vide p.ex in le texto del subjecto), ma McAfee
non
> reage e illo discoperi le virus solmente quando io jam face diverse
actiones
> (stockar le attachamento, activar "on-demand scanner"), lo que io face
> sovente, proque io vole saper de qual virus il se tracta. Tu non debe
facer
> lo, nam le experientia me ha apprendite que iste actiones pote finir in un
> fiasco. In mi officio nos es in cerca de un alternativa, ma le
concurrentes
> de McAfee non excelle in qualitate.
>
> In general io pote dicer ancora alcun cosas super le menacia per viruses
in
> messages.
> Desde le eruption del virus Mydoom (in medie januario; le virus le plus
> disseminate) un ver unda de nove viruses se ha expandite in le Internet.
Le
> latere enoiante de iste expansion es que on crea continuemente nove
> variantes (cata die un o plus) de alcun grande pestas Del virus Netsky nos
> ha arrivate nunc al version p (= numero 16, si io non erra) e que pro le
> interception de iste variantes on besonia sempre de novo un update multo
> actual de su antivirus. Si on es troppo tarde un o duo dies, on risca
> seriosemente (lo que depende naturalmente del quantitate del messages que
on
> recipe) que su computator essera infectate, e isto non pote esser
> simplemente evitate, si on non aperi attachamentos. Un altere puncto es
que
> multes del nove variantes ha un grado de expansion relativemente grande.
In
> le passato multes del nove viruses que on discoperiva in un certe loco,
> restava assatis sporadic e local. Alora solmente de tempore a tempore
> aperiva un virus que infectava multe computatores in le mundo. Nunc le
> situation se ha cambiate, nam nos vide cata septimana nove viruses que jam
> immediatemente post lor discoperta se trova in multissime computatores in
> omne continentes.
>
> Consilios:
> 1. Installa un bon scanner antivirus. Face attention al facto que le tal
> nominate scanner "on access" (que on indica anque per un altere, ma simile
> nomine) es in action e que le optiones de illo es adjustate de tal maniera
> que le plus grand numero de scannos pote esser executate.
>
> 2. On debe actualisar le scanner antiviros regularmente (p.ex. un vice per
> die, ma minimalmente un vice per septimana, si on face connexion con le
> Internet), si possibile automaticamente.
>
> 3. Installa le actualisationes ("patches" e "service-packs") pro le
diverse
> applicationes de Microsoft que on usa, como Windows, Internet Explorer,
> Outlook, etc. Concernente Windows, Internet Explores, Outlook (Express) on
> pote facer lo per medio del function Windows Update que es incorporate in
> Windows.
>
> 4. Sia sempre alerte in le collection de messages e non aperi messages e
> certemente non attachamentos si tu non ha confidentia in illos. Le plus
> grande parte del messages que contine un virus, es simplemente
> recognoscibile per cosas como le texto del subjecto, expeditor, e similes,
> ben que le facitores de viruses deveni sempre plus inventive pro stimular
le
> gente a aperir cosas que non merita esser aperite.
>
> Ancora un ultime question. Esque tu recognosce del adresse que seque?
> 1. [log in to unmask]
> 2. [log in to unmask]
> 3. [log in to unmask]
> 4. [log in to unmask]
> 5. [log in to unmask]
> 6. [log in to unmask]
> 7. [log in to unmask]
> 8. [log in to unmask]
> 9 [log in to unmask]
>
> Si tu los ha, il es multo probabile que il ha un virus in tu computator.
>
> Salutes de
> Vincent.