Luca Ghitti ha scripte:
>Ensjo:
>> Mais in qualcunque parte del mundo tu trova un brasiliano!
>> NOS DOMINARA LE MUNDO, hua hua huaaa... :^)
>
>Le brasilianos a nivello del football lo ha jam dominate desde multe
annos!
>Io rememora con tristessa le finales del Cuppa del mundo perdite per le
>Italia contra le Brasil in le 1970 e 1994! Ai, ai qual dolor!
Le preponderantia del football brasilian ja non es tanto grande. Le
nivello general del football de altere paises ha crescite multo. Durante
le annos 90, le competitiones international ha devenite ver tests cardiac
pro tote le brasilianos. A cata joco eliminatori, le impression (pro nos,
brasilianos) es que Brasil a pena se sustene in le competitiones,
obtenente avantage in goals obtenite post longe suffrentia.
In 1994, a causa del colores del adversarios, Brasil ha jocate quasi tote
le jocos con su colores alternative, camisa blau e calceones blanc. Le
joco del quartos de final contra Hollanda ha essite terribile. Nos ancora
commemorava le 2x0 in le secunde tempore quando le hollandeses faceva 2x1,
e post alcun tempore, 2x2. Isto ha destruite nostre confidentia e le joco
continuava intense. Solmente 10 minutas ante le final del joco, in un
situation de bolla stoppate, un potente tiro de foras del grande area ha
passate per un barriera de hollandeses, quasi se ha disviate al dorsos de
Romario (qui ha debite torquer se pro lassar le bolla passar), e quasi ha
essite disviate per le goal-keeper ante entrar obstinatemente in le
extremo del goal. Post un 1x0 contra Svedia, le "infinite" 0x0 del final
contra Italia in le prime tempore... le secunde tempore... le tempore
supplementar, sub le constante menacia del morte subite (io rememora le
goal-keeper Pagliuca basiante su guanto e toccante le trave del goal con
illo post que le bolla ha battite contra le trave e cadite in su bracios
post quasi entrar in le goal)... usque al penalitates, e finalmente le
tiro perdite de Roberto Baggio al alto... Uf! Iste Cuppa ha essite
exhaustive pro expectar! Malgrado le victoria (le "tetracampionato" o
simplemente "tetra", como nos lo dice), nos ha pagate pro tote le nostre
peccatos! :^6
In 1996 nos ha perdite pro Nigeria in le semifinales del Jocos Olympic.
Nos vinceva per 3x1, mais le nigerianos ha facite 3x3 in le ultime
secundas del secunde tempore e ha vincite per morte subite (4x3) in le
tempore supplementar, demonstrante un resistentia physic impressionante.
:,^(
In 1998, nos ha reincontrate Hollanda (oh-oh...) in le semifinales. Le 1x1
in le tempore regulamentar nos ha apportate a un extenuante tempore
supplementar, mais le morte subite non ha evenite, e in fin nos ha vincite
per 4x2 in le tiros de penalitate. Nos era plus confidente in le final
contra Francia. Mais al die del joco, un cosa estranie: in le prime lista
del jocatores selectionate non constava le nomine de Ronaldo, le asse del
equipa. Le commentatores del TV debatteva si isto non serea un error.
Finalmente un secunde lista ha apparite, e Ronaldo era in le equipa. Le
joco ha comenciate, mais Brasil se presentava de maniera
irrecognoscibilemente debile. Le resultato ha essite le 2x0 de Francia in
le prime tempore, e le 3x0 al fin del joco. (Posteriormente se ha revelate
que Ronaldo habeva suffrite alcun subite problema de sanitate in le nocte
anterior, e le incertitude quanto a su participation ha abattite le moral
del equipa.) Le facto es que Francia ha accedite al selecte gruppo del
tricampiones mundial gratias al fiasco brasilian.
In 2000 nos ha perdite pro Cameroun in le quartos de final, e de novo per
morte subite (2x1). Pro le tertie vice in sequentia le africanos nos
elimina del Jocos Olympic.
Ora, curre le jocos eliminatori pro le proxime Cuppa del Mundo. Brasil
monstra un pessime rendimento, e es in quarte loco in le classification de
America del Sud. Solmente quatro (o cinque) paises sera classificate.
Inter le mal resultatos de iste campania, un defaite historic ante le
debile equipa de Ecuador per 1x0.
Le situation actual ? que in veritate es resultato de un longe processo ?
provoca reactiones. Commentatores del TV accusa le calendario chaotic del
multiple campionatos interne, que non permitte que le equipa national habe
tempore pro trainar insimul. Hodie non es plus possibile reunir alcun
jocatores e facer les trainar un sol die ante un joco pro tentar vincer.
Sin un solide coordination inter le jocatores, le equipa brasilian depende
multe vices de talentos individual pro liberar se del mal situationes in
que illo se trova ? non sempre con successo.
Nos solo pote sperar que le dirigentes del football brasilian organiza le
casa (malgrado le interesses economic involvite) e evita que Brasil perde
le titulo de unic pais que ha participate de tote le Cuppas del Mundo
usque a hodie.
>E pois: le carneval de Rio de Janeiro, le samba, le bellissime
brasilianas,
>le musica, le sympathia del personas, le meraviliose accento brasilian,
le
>"saudade" /nostalgia brasilian ! Tote isto ha conquirite le mundo!
Hehe, si, malgrado le situation in nostre football, nostre quasi-religion,
nos ancora ha multe motivos pro esser un populo allegre. :^)
Ha tu habite multe opportunitates de audir le accento brasilian, Luca? Ma
dove? Come mai? :^)
A revider,
Ensjo.
|
