Le experientias de Mia Soderquist es multo interessante. Ego scribe un
message al gruppo sci.lang. in re le uso de linguas auxiliar. Iste message
exprime le pensatas que ego vole render public in mi message. 

Ego sape de un femine in nostre club de esperanto in Uppsala - in mi
juventute - qui habeva apprendite Esperanto solmente auscultante le alteres
parlante esperanto in le club.

Quanto a interlingua ego cognosce un historia analoge. Kristina, le marita
de Thomas Breinstrup, apprendeva interlingua dum le conferentias de iste
lingua. 

Ego ha e inseniate svedese como lingua secunde e sape de proprie experientia
que homines usa varie strategias pro apprender linguas. Il ha illos qui dice
nihil usque que illes ha un plen certitude de grammatica e vocabulario. Al
mesme tempore il ha tal personas qui jam del prime momento "parla" non
prestante attention al correctitude de su lingua. 

Il ha illes qui lege toto que illes pote trovar. Un quotidian cata die,
reguarda television etc. Parla con totos que illes cognosce. 

Un amico apprendeva svedese registrante programmas de radio, los auscultava
plure vices e me demandava de isto que ille non comprendeva proque le lingua
era inclar. Isto functionava ben pro ille.

Ma retro al linguas artificial. 

Il se lassa dicer multo facilmente que on serca le gruppo de homines qui ha
besonio de un lingua auxiliar e lo insenia a illes. Tamen, pro isto on
besonia moneta e le perspectiva ganiar moneta. 

Me sembla que le movimento de quasi omne lingua auxiliar consiste de homines
qui pensa que un lingua artificial es un bon cosa. Illes ha incontrate
homines interessante in iste movimento o illos usa su lingua pro leger
litteratura que illes non pote alteremente trovar de tal pretios favorabile
(como in interlingua - ma certemente etiam in esperanto). 

Si on pensa que un persona carismatic, le politicos o le governamento lo
facera, in iste caso quasi cata lingua auxiliar funcionante rationabilemente
ben, potera functionar. Isto significa que esperanto, ido, volap¨uk e
klingon poterea jocar le rolo de linguas auxiliar. Attendante iste victoria
final on pote conversar con su amicos, apprender plus e plus, leger
magasines etc.

Linguas como occidental e interlingua aspira a comprension sin previe
studios per le maxime numero de personas parlante certe linguas. 

Alteres va cercar le lingua perfecte e creara in tal caso un multo logic
lingua. Ido - certo - lojban - probabilemente, pro que ego lo non cocnosce -
es tal linguas. Le adherentes de illos crede/credeva que le claritate del
linguas, lor perfectitude, es le plus importante argumento. 

Io ha probate le metodo de esperanto, sed isto de interlingua multo plus
corresponde a MI temperamento. Altere homines naturalmente facera su
decissiones proprie. Io pensa que isto es bon, viste que io non pote saper
que es le optime metodo attinger le optime lingua auxiliar. 

Pro le scopos que me interessa, interlingua es sufficiente. Alteres va dicer
que altere linguas es sufficiente pro le scopos de illes. Isto es rationabile.

Que cata usa le lingua auxiliar que le melio corresponde a su temperamento
de ille. Un lingua auxiliar es de facto le clave a multe alteres: per mi
esperanto e intelingua io comprende multo ben ido, occidental e novial.
Tanto que il es possibile communicar se con me in iste linguas.

Il certo va sin dicer, que io in iste lista le plus voluntariemente usa
interlingua, ma isto vos certo jam sape :-)


Amicalmente


Kjell Rehnstroem    
Vaenortsgatan 87      
S - 75264 Uppsala
email: [log in to unmask]