Kjell Rehnström scribeva:

> Le risco sembla esser que per le RSS e altere medios on proba jectar
> textos sur personas qui ha claudite se del textos del UseNet. In mi
> comprension, si le textos a UseNet es sufficientemente interessante on
> usara iste fonte. Qual interesses sta post le "minusinteressamento" de
> UseNet. Un pote esser le abuso de UseNet pro varie sortas de spam e le
> recoltar de adresses pro inclusion in spamprogrammas. Qui dice que lo
> mesme non va occurrer con rss "quando le tempore es matur"?

Le nove generation de usatores de Internet non cognosce Usenet.
Pro illes, Internet es synonyme de WWW. Illes transversa le
Internet con Internet Explorer. E de plus in plus providitores
de Internet ha un servator de Usenet insufficiente, o mesmo
nulle servator de Usenet.

Io ha participate in duo discussiones super lingua. Ambe
discussiones esseva in un foro de WWW Nederlandese, que existeva
solmente pro un periodo limitate. Ambe discussiones esseva multe
animate. Io ha proponite de continuar le discussiones in Usenet,
in news:nl.taal. Ma nulle de participantes del foros lo ha
facite.

RSS non es un "medio jectar", como Usenet. Il es un "medio
tirar", como HTML. RSS es parte de WWW, como HTML. Le contento
de tu "forrage" de RSS (anglese: RSS feed) es sub tu dominio,
identic a tu dominio de tu pagina in HTML. RSS es solmente un
instrumento que interessatos pote usar pro informar se super
novas a tu pagina in HTML. Personas anonyme pote abusar e-posta
e Usenet pro dumping de lor messages. Ma illes non pote deponer
lor messages a tu pagina in HTML o tu forrage de RSS.

Le importantia e le fortia de blogs (con RSS como instrumento
adjuvante) es discutite hic:

http://liverevolt.com/seldomsober/archive/001850.html

--
Peter Kleiweg
http://www.xs4all.nl/~pkleiweg/ln/