Chris Burd ha scribite:
>On Tue, 21 Nov 2000 01:58:04 +0100, Pawel Wimmer <[log in to unmask]>
>wrote:
>
>>Le plus popular dictionarios in Babylon, wow!
>>
>>1. Britannica.com
>>2. Interlingua-English
>>
>># of downloads: 8301 | # of subscribes: 12636
>>
>>3. Spanish-English Online Dictionaries
>>4. French-English Online Dictionary
>>5. Whatis?com
>
>Istos es datos stupende. Il pare que on ha distribuite plus de exemplares
>del IED electronic in le tres menses passate, que on vendeva del original
>IED-in-papiro durante le prime 15 annos post su publication.
>
>Forsan isto ha causate le subite salto in le numero de visitantes a
>www.interlingua.com. Inter le medio de julio e le medio de novembre le sito
>recipeva circa 2500 visitas pro mense, con un tendentia lentemente
>accelerante. Inter 15.nov.2000 e 22.nov.2000 illo recipeva 1000 visitas -
>assi, un rata mensual de plus que 4000.
>
>Nota ben: le numero de discargatas es nunc (23.nov.2000) 12249 e le numero
>de abonatos 17669: un augmentation de circa 4000 e 5000 durante duo dies.
>On debe assumer que le grosso del discargatores/abonatores lo ha seligite
>ex mer curiositate, o ex un false expectation del contentos. Nonobstante,
>iste diffusion de materia primari es un cosa del summe significantia pro
>interlingua.
>
>Amicalmente,
>
>Chris
Io proba un intime satisfaction pro iste resultatos perque, al fin, gratias
a Babylon, Interlungua haverea trovate su strata e perque, illes qui
precurreva le methodo de Babylon e publicava in Internet le diverse
vocabularios de Interlingua, como io mesme que me batteva in iste lista a
favor del publication in Internet de obras de Interlingua, supertoto
gratuite, haberea ora le gratification de illes qui crede in le medios de
nostre tempore.
Internet sera in le casas, forsan in uno con le television e le telephono e
non solo, o illo que nos ancora pensa sia le telephono. Isto in alcun
menses proxime con un abattimento de costos pro nos ancora non imaginabile.
De accordo, le precio sera illo del continue persuasion, e que le Patre
Eterne nos sparnia del qual typo de persuasion nos debera defender nos.
Comocunque internet invadera le casas.
Que interlingua sia presente, es pro me un sperantia.
Io ha demandate directemente a Babylon como on debe interpretar iste datos.
Si io habera responsa io non mancara de refere in iste lista.
E io volerea dicer ancora un cosa: pro me le merito es securmente le
methodo Babylon, ma un merito particular vade a Ensjo qui, pro me, ha
intuite in maniera genial, perque simple, como proponer Interlingua,
gratias a su simple grammatica, in le melior abbinamento con le terminos
del anglese.
E io trova ancora un motivo de iste successo. Un assertion non nove per me
in iste lista. Il es le anglese que se abbina con interlingua, que face
polular interlingua.
Io proba anque con le italiano, ma io ha un base que debe disveloppar se
multo, alteremente le italiano con face le function que jam face le
anglese, e in plus io ha le complicationes grammatical del italiano. Ma il
es solmente un question de tempore e de labor.
Anque io ha dicite le mie!
Mario Malaguti
|
