Prego, como scribeva Clifford Wurfel, es le formula de cortesia italian que
on usa in le responder al persona qui regratia, o demanda pardom, o in le
invitar un persona a seder "vole ben seder vos! vole ben poner vos
confortabile!", o a entrar, o a acceptar qualcosa, e, in general, pro
attenuar un commando o in le sollicitar.
Exemplos:
"Grazie" "Prego!" - "Gratias" "Es nihil!" (1) o "nulle causa!";
"Scusi tanto" "Prego, non c'e' di che" - "Io regretta multo" o "Excusa" o
"Excusa me" con le possibile responsas "Nulle causa!" o "Non del toto!" o
"Non importa" iste ultime correspondente al mesme expression italian;
"Prego, sedetevi" - "Vole ben seder vos" o "Vole ben poner vos
confortabile";
"Signori, restate calmi, prego!" - "Seniores, remane calme, per favor!".
Prego es usate in tono interrogative pro invitar un persona a repeter un
qualcosa que on non ha comprendite. Exemplo:
"Prego?, vuol ripetere?" - "Pardono, que diceva vos?".
Iste expressiones es presente in "Interlingua, lingua internazionale" obra
italian per Paolo Castellina.
(1) Le proponite "De nihil" e mesmo le simplice "Nihil!" corresponde a "Es
nihil" per Castellina. E assi "Nil!"
Ciao!
Mario Malaguti
--------------------------------
de Treviso, in proximitate de Venetia, Region Veneto.
---------------------------------------
Le lista in Interlingua que te expecta:
http://groups.yahoo.com/group/interlinguaitalia
>In: Re: Adjuta a scriber
>
>Car amicos, io crede que il esserea melio de traducer 'You are welcome' in
>responsa a 'Thank you' per 'De nihil' o plus simple e 'Nihil, Nil'.
>"Benvenite" se dice quando on recipe alicuno in su domo: Vos es benvenite a
>mi casa! Alora on dice: Gratias. Compare le francese 'De rien' e le
>espaniol 'De nada'; le german "Bitte schoen" e le italian "Prego" es
>differente ma vole dicer le mesme cosa. Vos es benvenite a considerar iste
>solution. Cliff, un interlinguista californian.
_________________________________________________________________
Scarica GRATUITAMENTE MSN Explorer all'indirizzo
http://explorer.msn.it/intl.asp
|
