Io esseva atraite a aprender Interlingua a causa del existentia de
libros electronic disponibile in le sito de UMI, e principalmente del
existencia del magazin Confluentes in le sito del Societate American
pro Interlingua. Se il non esseva le libros gratuite discargabile via
le rete, io non continuarea a interessar me de Interlingua. Io pensa
que Panorama deberea esser un magazin libere e gratuite, discargabile
via le rete. Le UMI deberea discoperir nove formas de suporto
financiari a su causa (exemplos: propaganda via Google Adsense in le
sito Web, subscription a participation in conferentias, cursos, link
de donationes via Paypal, etc.).

Antonielly Garcia Rodrigues

On 11/10/06, Jan Årmann <[log in to unmask]> wrote:
> Car omnes,
>
> No! Interlingua non ancora es moribunde. Illo es un lingua elegante que debe
> superviver de su proprie qualitates. Ma on pote se questionar como nostre
> movimento pote superviver. Le plus grave falta es le manca de labor pro
> attraher nove interessatos e adherentes in spe. Qussi tote actiones presente
> es internal. Le plus grave es le plublication de Panorama in forma
> imprimite, Isto es multo costose e le costos e effortias consuma quasi tote
> le quotas pagate per le membros. Esque on sape si le majoritate del membros
> vermente LEGE lo?
>
> Panorama in su forma presente como libretto imprimite es dirigite totalmente
> al membros. Illo non pote attraher nove interessatos. Possibilemente on
> poterea publicar lo a Internet pro exponer lo a un plus grande publico. In
> plus isto es minus costose. Ma on forsan non trovara le contento
> interessante proque le contento presente jam es in grande partes jam
> publicate a Internet. Lectores qui se abona a periodicos via RSS ha jam
> legite plure articulos que on hodie trova in Panorama.
>
> Il es multo gaudiose que on nunc ha comenciate publicar un curso in
> interlingua pro novicios in plure linguas e con sono. Congratulationes! Il
> es necessari que on pote establir un tal servicio a lectores de nostre
> websitos e blogs. Un prime passo a attraher nove interessatos. Un curso
> vermente indispensabile!
>
> Esque nostre movimento usa methodos moderne in su practica? Un exemplo
> negative es le usage de isto foro INTERLNG. Un foro que manca tote
> possibilitates a presentar ideas supplicate per formas differente in le
> typograhia, ha nulle possibilitates a presentar imagines, sono o video. Il
> anque non es possibile a publicar un annexo. Vamos lassar iste foro e aperi
> un nove! E vamos anque aperir un foro que es aperite al mundo externe. Isto
> debe devenir un projecto interessante a probar.
>
> Il es necessari que le membros discute e proba nove formas a attraher nove
> interessatos e usa tote le nove medios accessibile in Internet. Io ha le
> impression que nos usque ora ha nos troppo attachate al methodos de
> Gutenberg.
>
> Janne
>
>
> On 10/11/06, Ingvar Stenström <[log in to unmask]> wrote:
> >
> > Maritn Brüggemeier ha scribite:
> >
> > Que epense le alteres re iste thema? Secundo mi opinion, le extistentia
> > del linguas fonte (e del parolas international in ille linguas) non
> > suffice. Anque Interlingua mesme debe sempre disveloppar se e esser
> > usate.
> > Car Martin e omnes,
> > No, naturalmente non suffice que le vocabulario international
> > es un realitate linguistic historic, ma su existentia desde mille
> > annos es un fundamento firme que da a Interlingua le derecto
> > de dicer que illo non es un lingua artificial dependente de
> > decisiones arbitrari de un "Majstro" o un "Datuval" (Schleyer).
> >    No Interlingua es un idioma vivente, usate per homines
> > vivente, qui lo parla, scribe pro illo manuales e sempre nove
> > dictionarios e qui lo usa in libros e magazines e in communicationes
> > innumerabile:   In le lingua de IALA, cultivate postea intra le UMI
> > il ha circa 100 sitos web con milles de paginas.  iInterlingua
> > mesmo ha essite usate in gymnasiossvedese como explicator
> > del subjecto scholar "Le vocabulario
> > international".   In Scandinavia, un region de linguas minor,
> > cuje parlatores sempre debe usar linguas estranier pro com-
> > municar con le resto del mundo, nos arrangia cata duo annos
> > Incotros Nordic sempre con cursos intensive a duo nivellos.
> > (Ante duo annos con 55 participantes, inter le quales 30 esseva novicios
> > e iste annos con solmente 46 (a causa del limitationes del schola
> > residential.  Partipava daneses,finneses, norvegianos, svedeses.
> > un boliviana, duo espanioles e un japonese, qui veniva a Svedia
> > specialmente pro iste curso.   In alcun urbes nos ha cursos
> > vesperal e cata die nos lo   p a r l a  per telephono o Skype si non
> > facie a facie.
> > Io time que multes mesura le activitate del
> > linguas international secundo le energia expendite pro scriber
> > publicamente messages plus o minus private in le listas.
> > Ma isto es activitate  i n t e r  adherentes.
> > Le activitates  p r o  Interlingua, que va garantir su continuation,
> > non se vide.   Multes del "listanos" obviemente non mesmo
> > lege Panorama!   O le litteratura - 100 libros a vostre disposition
> > in www.interlingua.com/libros !
> >     In tote Europa le movimentos idealistic e politic perde membros
> > e necuno vole laborar in illos sin lucro e profito.   Le mesme
> > fato frappa p.ex. nostre Societate Svedese pro Interlingua.
> > Post 1998 nos ha perdite 50 membros.  A ille tempore internet
> > comenciava absorber le interesse del juvenes pro "jocos
> > de rolos" e de omnes pro utilisar iste intrumento meraviliose
> > pro cercar intormation de absolutemente toto.
> > Felicemente nos recipe poco a poco nove membros: ante
> > alcun horas io poneva in le cassa postal manuales etc, pro
> > un nove membro....
> > ´   No, Interlingua non es moribunde.  Illo vive e labora pro
> > communication sin frontieras.
> > Salutes amical,
> > Ingvar
> > Ingvar Stenström
> > Vegagatan 12
> > SE-432 36  VARBERG
> > Svedia
> > ingvar.stenstrm  at telia.com
> > Tel. +46-(0)340.15053
> > Signatura in Skype:  ingvarst
> > http://www.interlingua.com
> > http://www.interlingua.nu
> >
> > --
> > Archivos e disabonar: http://listserv.icors.org/archives/INTERLNG.html
> >
>
>
>
> --
> Generalsgatan 12 E, SE-903 36 Umeå
> Tel +4690771525
> Mobile +46706594934
> Skype: janarm
> www.armann.se
>
> --
> Archivos e disabonar: http://listserv.icors.org/archives/INTERLNG.html
>

--
Archivos e disabonar: http://listserv.icors.org/archives/INTERLNG.html