Piet,
Mi messages retorna con le nota que le ignote compuservitor 105004,475 non
existe. Evidentemente il es un persona compuservitive qui non plus existe e
le messages a illes "seque retornante" (usante un hispanismo ostentative :-)
o in un plus correcte maniera _retorna repetitivemente_.

Stan,
esque le notion del spacios ha alque commun con le idea de _spacios_ in le
excercitamento mental quando un atletico o skiator (usator de skis) se
suggere que ille va in un camera/spacio ubi il ha un tabula, e super iste
taula ille _mentalmente_ scribe le plus importante cosas positive ante que
ille mentalmente vade le via de su cursa pro render se conscie del
difficultates e le momentos facile del cursa?

Quanto al gruppos de notitias, io ha probate scriber al <alt.uu.lang.misc>
que me pareva le plus apte pro novas re interlingua. Tamen il me pare que
non omnes pote accessar iste gruppo, e pro isto io etiam ha scribite in le
gruppo <sci.lang>. Io non pote accessar le gruppo <alt.language.artificial>.

Forsan on pote formular le question assi: cata persona qui pote scriber in
interlingua, que ille face isto. Io ha le impression que personas sur un
certe nivello comprende le interlingua. Scribente in anglese del altere
latere on risca messages de personas qui non del toto comprende de que se
parla e on debe usar plus de tempore pro explicar de que se tracta a illes
quam usar un minimo de tempore pro explicar le interlingua del message (riso).

A vices io etiam participa le discussiones in le gruppo del esperantistas.
Quando io face "messages cruciate" a duo gruppos como <sci.lang> e
alt.culture.esperanto> io utilisa etiam mi cognoscentia de esperanto. Il es
amusante pro le cerebro probar usar varie linguas.

Amicalmente




Kjell Rehnstroem
Vaenortsgatan 87
S - 75264 Uppsala
email: [log in to unmask]