Mario Malaguti wrote:

> Car Amicas e Amicos,
>
> il era multe dies que io legeva solmente vostre messages in interlingua.
> Per fortia, io ora depinge le complete die!
> Uhm! Forsan le veritate es un altere!
> Le phrase italian "le pavor face novanta" es un modo de dicer pro
> classificar, como in le cabala (1), exactemente le pavor, le timor, le terror.
> Ab le mense de novembre passate io sapeva que io debeva supportar un
> intervention de chirurgia laser a mio oculos.
> Isto me terrorisava, io debe admitter lo.
> Heri esseva le die attendite.
> In primis io debeva subscriber un declaration pro le qual io acceptava le
> intervention e me assumeva le responsabilitate. Anque iste pretention
> improvise non me facilitava le tranquillitate. Assi, al ultime momento!
> Pro facer lo breve, io ha vivite menses de tormento e io ha interpellate
> ben quatro oculistas pro far me explicar que debeva succeder me. Necuno me
> ha explicate con simple parolas como haberea essite le intervention. Totos
> a dicer me que le intervention era necessari pro mi futuro.
> Io ha passate un vita professional a explicar a le personas le perque e le
> como del cosas. Pro me isto era natural: un persona debe assumer su
> decisiones con le maximo del cognoscentia. Perque un persona, diversemente,
> se haberea appellate a mi assistentia professional?
> Le intervention sera in duo phases. Uno era heri.
> Ben, si io hodie es al computer e scribe iste message io ha motivos de
> considerar que le intervention a mi retina ha habite felice exito.
> Ora io confide anche il le secunde intervention intra un septimana. Le
> chirurgo ha essite bravissime e rapide. Ille era uno del quatro oculistas
> que io habeva interpellate antea.
> Si, le oculos es le mies e io naviga in le plus absolute ignorantia re
> problemas de medicina e simile.
> Forsan io non es le solo!
> Il pote esser que on ha perdite de vista le homine. De accordo, le medios
> de hodie es le non plus ultra del technica e on debe confider in illos e in
> le operatores.
> Ma un poco de information... forsan isto non es comprendite in le planos e
> le information al persona qui ha un directe interesse es un perdita de
> tempore.
> Isto comocunque me terrorisava.
> Ah! Como io lo face longe!

Il es natural. Generalmente quando on ha bon sanitate on non es un habituato in
le hospitales e mesmo si on ha legite del cosas e ha un pictura theoretic del
operation on pote sentir se insecur nonobstante.

Il es un sufficientemente international cosa que le patientes se plange pro le
poc informationes que illes recipe del hospitales o medicos qui va tractar les.

In decembre il occurreva a me un satis disagradabile cosa e io debeva
urgentemente (acutemente nos dice ci) esser transportate al Hospital Academic de
Uppsala (un del plus grande hospitales del pais, il es plus tosto un micre urbe
quam un hospital). Le medico qui me tractava constatava un ischemic transitori
attacco, que habeva resultate in isto que io non poteva mover le mano e le gamba
era totalmente sin senso. Uff, multo disagradabile! Per successo io habeva mi
telephono portabile (pro uso domestic, non foras le casa) e per isto io poteva
telephonar le Adjuta Urgente, un ambulancia veniva e io era transportate al
hospital.

Io timeva lo que le americanos appella un stroke e timeva que tote occupation con
interlingua e altere amusamentos plus corporal vade via. Ma usque nunc io non
sape "exactemente" que "era". On faceva postea duo examinationes per ultrasonito
e un electrocardiogramma, le resultatos del qual me va communicar un medico le
martedi proxime.

Io debe anque dicer que poste iste intermezzo io ha sentite nihil. Solmente un
poco de plus basse condition que antea, ma non troppo, como un musico dicerea.

Io te invia mi supporto moral!

Amicalmente