Le plus grande quotidian Dagens Nyheter habeva
heri un articulo de debatto scribite per un del
prominente membros del Acction Commun de ATTAC
Svedia. Ben que ATTAC es un movimento
internationalmente cognoscite, ego pensa que le
interlinguificate articulo pote interessar alcunos
de vos.
Per favor!
010721
Orticulo de debatto del die:
Humano al summito del movimento ATTAC defecta del
ducentes in protesto:
"Attac utilisa le violentia politic"
Redactor-in-chef Bror Perjus, un del personas
prominente e plus importante in le movimento
svedese de Attac, sorti del movimento Attac
immediatemente. Isto occurre como un protesto
contra le attitude del movimento al violentia
politic. Le parte svedese de Attac es errante, ha
un vista inclar del democratia e un analyse
incorrecte del situation politic in Svedia e al
extero. Multe membros del directorato es plenmente
occupate del resistentia contra le Union Europee.
In mi opinion le UE es, al contrario, un promessa
del futuro. Attac debe positionar se in favor del
UE e le Union Monetari Europee in lor capacitate
como medios apte pro attinger le objectivos pro le
quales lucta Attac, scribe Bror Perjus.
Le ducentes del Attac Svedia, Le Gruppo Commun de
Labor (Gemensamma arbetsgruppen GA) ha un attitude
diffuse e inclar al violentia politic, e isto non
es un accidentia. Le attitude al violentia politic
es connectite con le vision del democratia e ille
typo de strategia que comencia apparer intra le
Gruppo commun de labor de Attac Svedia.
A causa de isto ego nunc lassa mi loco in le
Gruppo Commun de labor, a fin que ego potera
ducer, como ego lo percipe, un necessari debatto
del continue direction de Attac in Svedia e in
global.
Il ha un tendentia interne de Attac que on se
distantia del violentia politic, sed que on tamen
utilisa e se rende dependente del effecto de
attention que es create per le violentia. Un del
internationalmente plus prominente representantes
de Attac, Susanne George, toto correcte ha
describite le violentia como un menacia al
existentia continue de Attac.
Jam ante que le occurentias violente in Malmö in
connexion con le incontro del Union Europee, ego
postulava intra le Groppo Commun de Labor que nos
debe explicar multo decisivemente, que Attac
Svedia intende respectar le permission de
demonstration, decretite per le policia, e que nos
salvo isto va distantiar nos de omne gruppamentos
que plana cimmitter rupturas del permissiones de
demonstration. Isto era dejectate per un forte
majoritate in le Gruppo Commun de Labor, malgrado
le facto que nos jam tunc, intra le Gruppo Commun
de Labor era clarmente consciente del facto que
omne probas rumper catenas, cordones, de policia,
resultarea in preparar le via pro le activistas
qui conscientemente planava e laborava in favor de
violentia politic.
EGO INCONTRAVA NULLE responsa in le Gruppo Commun
de Labor pro mi opinion principal. Le motivo era
que le Gruppo Commun de Labor intendeva funger
como un mediator inter le gruppamentos extremista
e le directorato politic del UE a fin que - si
possibile - ager contra violentia politic in
connexion con le demonstrationes. Iste strategia
habeva etiam mi supporto, sed ego era del opinion
que ille strategia functionara melio, si nos nos
clarmente distantiava de offentias contra le
permissiones de demonstrationes e per isto etiam
distantiante nos del violentia politic.
Salvo isto ego era critic al participation in le
demonstration in le sabbato del Action Göteborg,
postque lor attitude era clarmente anti-UE, lo que
es un offenso contra le decision de Attac Svedia
de non prender position ni contra ni pro le Union
Europee.
Le platteforma del Action Göteborg propriemente
era un celate non al UE. Il etiam existeva
connectiones personal inter le ducentes del
demonstration in le Rete Göteborg 2001 con "Non al
UE" como motto (parola) principal e le Action
Göteborg. Assi como on formava le demonstration
del Action Göteborg illo etiam deveniva un massive
demonstration Anti-UE.
Con respecto a nostre attitude neutral al Union
Europee il al contrario jam anteriormente le
organisation local de Attac habeva decidite non
participar in manifestationes critic al UE in
Malmö e Stockholm. Sed in göteborg Attac se
lassava esser absorbite in un inambigue
demonstration anti-UE que in addition inter le
arrangiatores (organisatores) habeva gruppos a
planos pronunciate de rumper catenas (cordones?)
de policia e utilisar violentia.
Representantes de Attac in Göteborg comentiava
postea in un stadio inicial, durante le incontro
summito del Union Europee, in publico assertar que
il era le policia que per su actiones habeva
initiate le violentia. Ante toto illes se refereva
al incirculamento per le policia del Hvitfeldtska
gymnasiet, (le gymnasio porta le nomine de
Hvitfeldt), ubi un grande numero de demonstratores
era quartierate. Postea omne comentos public per
representantes de Attac ha essite equilibrate per
pronunciamentos contra le violentia del policia.
Le puncto de exito ha simplemente essite que
jecta-petras e policia es duo "gruppos"
equivalente. Per isto representantes del Gruppo
Commun de Labor del Attac Svedia ha negligite lo
autoevidente, a saper que le policia ha le carga
del democratia de guardar e proteger le societate,
lo que on a pena pote dicer del activistas politic
jectante petras.
Post le occurrentias in Göteborg ego ha laborate
intensivemente de facer le Gruppo Commun de Labor
de Attac Svedia a facer un forte e univoc
pronunciation condemnante le violentia politic e
solo le violentia politic. Le transgressiones e
errores del policia, que es ben apparente sed
etiam quasi inevitabile in situationes critic
acute, isto ha nihil a facer con le violentia del
jecta-petras. Le violentia del jecta-petras era
planate anteriormente e le actiones del policia ha
solmente fungite como excusas pro le personas
practicante le violentia.
In un epistola al membros le Gruppo Commun de
Labor de Attac ha concedite que le violentia del
policia non es un excusa pro jectar petras.
Sed le decisive argumento intra le Gruppo Commun
le labor de Attac contra un univoc condemnation
del violentia politic es que il es impossibile
facer pronunciationes critic re le personas qui
jecta petras sin al mesme tempore analysar le
causas in le societate que crea le violentia
politic. Ego ipse es del opinion que il non, in
nostre societate, ha ullecunque rationes in favor
de violentia politic. Isto concerne Svedia e omne
le altere paises de Union Europee. Si violentia
politic es motivate hic et nunc, in ille caso il
es multo difficile mesmo creder que democratia
pote funger.
Intra le presente directorato de Attac Svedia il
ha al minus un membro qui si dice "haber
comprension al personas qui jecta petras per le
vitro del fenestras de McDonald", proque
"McDonald's non se subordina al democratia." E
isto dice un membro qui per le majoritate in le
Gruppo Commun de Labor ha obtenite un prominente
position como representante de Attac Svedia in le
medios.
In connexion al occurrentias in Göteborg le
attitude indulgente contra le violentia politic ha
transformate se a un parte del fundamento
ideologic de Attac Svedia, lo que on le plus
simplemente pote resummar in le notion del
"dialogo confrontative" formulate per le
recercator de pace Hans Abrahamsson in Göteborg,
un del membros del Gruppo Commun de Travalio.
LE "DIALOGO CONFRONTATIVE" ha in plus un directe
connexion con un dominante opinion intra le Gruppo
Commun de Labor del senso que Attac Svedia debe
constituer "un parte del movimento critic del
systema social". E il es inter iste "movimento
critic al systema" e le "homines al poter" politic
que le "dialogo confrontative" debe esser
establite, ergo un dialogo le objectivo del qual
es "explicar le contradictiones, plus tosto que
attinger compromissos e resultatos."
Le disavantages de iste position de Attac Svedia
es plure.
PRIMO on intra Attac Svedia non ha probate definir
lo que vole dicer "le movimento critic del systema
social". Al qual "systema" es Attac Svedia critic?
Esque isto es le capitalismo, le democratia o le
economia mixte? Pro mi proprie parte ego reguarda
le economia mixte como le supreme forma de
democratia usque nunc, e un exemplo nordic de como
on pote meliorar le democratia de tote Europa e le
mundo pote esser meliorate e profundisate.
Pro secundo Attac se isola de amplie gruppos de
cives definiente se como un parte del "movimento
critic al systema". Il es un efficiente recepto a
marginalisation e malsuccesso.
Pro mi proprie parte ego vole a iste occasion
lancear un altere strategia pro Attac Svedia. Nos
debe visar devenir un "amplie movimento civil pro
le globalisation del democratia". Illo significa
que nos nos dirige a junger le movimento del
syndicatos e significante partes del campo burgese
(le non-socialistas) a nostre movimento.
TERTIO il es intra le "movimento critic al
systema" que on trova le gruppos con violentia
politic a su agenda, lo que es un importante
explication del hesitaion al latere de Attac
Svedia distantiar se del violentia politic.
Quarto le presente strategia de Attac Svedia
significa que nos ha perdite le foco de nostre
questiones principal. In Göteborg nos perdeva un
occasion historic render public nostre message de
un taxa Tobin, annullamento del debitos, le uso
del fundos de pensiones e le lucta contra le
neoliberalismo. On non pote render policia,
jecta-petras e mediios massive culpabile de tal
cosas.
Attac Svedia es erratic a causa de un inclar
comprension del democratia e un erronee analyse
del stato politic in Svedia, Europa e le Terra. Le
personas qui domina in le Gruppo Commun de Labor
de Attac Svedia es continuantemente fortemente
preoccupate per le resistentia al Union Europee.
Illes non ha realisate que le paises democratic,
nationalmente limitate ha advenite al fin del via
a causa del globalisation del economia.
Le facilmente, globalmente mobile capital lo ha
rendite sempre plus difficile pro le democratias
national de taxar le surplus del production in un
maniera efficace e rediriger le resources al
construction del societate, vias, habitatos,
scholas e in favor de un systema de benesser
general e un efficiente politica de distribution.
Le permanente global crisis economic errode
gradualmente le base economic del democratias
national.
PER ISTE PUNCTO DE EXITO le imagine del Union
Europee essera un totalmente altere, non un
menacia contra le independentia del democratias
national sed un promesso futur de un nivello
democratic que va funger supra le stato national e
que al mesme tempore fortifica le democratia
national in relation al capital globalmente
mobile.
Pro isto ego es del opinion que Attac Svedia debe
lo possibilissime tosto prender un position in
favor del Union Europee e acceptar le Union
Europee como un instrumento, in facto un del
optime instrumentos pro attinger le objectivos in
favor del qual lucta Attac. Attac debe etiam
prender position in favor del Union Monetari
Europee e un svedese membrato in ille union e pro
correspondente politic, economic e monetari
uniones in altere partes del mundo, e in addition
in favor de un ONU que realmente recipe le
function e fortia essente un governo mundial.
Ceterea isto es in accordo con le opinion del
laureato american del premio Nobel de economia,
James Tobin e le nomine del qual nos ha prestate
pro nostre plus importante postulato: ergo le taxa
Tobin. Per isto nos etiam pote disarmar un del
plus forte argumentos de nostre opponentes; a
saper que nos solo recollige pecias del analyse e
propositiones de Tobin.
In vice de devenir un parte marginalisate del assi
appellate movimento critic al systema Attac pote
devenir un "ampoie movimento civil pro le
globalisation del democratia".
Bror Perjus
Traduction pro uso private
Cellus
Dagens Nyheter es le plus grande quotidian in
Svedia e ego suppone que etiam le lectores de
Interlng pote trovar alque interessante in iste
articulo.
|
