Amicos!

Io trovava in le EIGloss (CEID) alcun nomines de elementos chimic finiente
con "-um" in Interlingua:

   helium = {n.} helium
   potassium = {n.} potassium
   radium = {n.} radium
   sodium = {n.} natrium, sodium

Durante que alteres habeva lor nomines con "-o":

   oxygen = {n.} oxygeno
   iron = [...] {n.} (the metal) ferro; [...]
   uranium = {n.} {chem.} uranio
   chromium = {n.} (chrome) chromo

Io trovava mesmo casos duple:

   aluminum = (-ium) {n.} (Al) aluminium, *aluminio
   actinium = {n.} (Ac) *actinium, *actinio
   americium = {n.} *americium, *americio
   lutetium = {n.} (Lu) *lutetium, *lutetio

Esque de facto tote iste nomines de elementos chimic con "-um" pote esser
tamben esser scripte con "-o"? I.e., es il OK scriber "helio", "potassio",
"radio" e "natrio/sodio", etc.?

Ensjo.