Duo discos compacte con musica classic e con explicationes in interlingua
ha essite publicate per le casa editorial musical Musica Rediviva in
Svedia.

Le organista talentose Bengt Tribukait joca le organo baroc exclusive in le
Castello Drottningholm in un serie de obras per Johann Sebastian Bach, i.a.
le Toccata in D major, le Pastorale in F major e contrapunctos de "Die
Kunst der Fuge" - in toto 24 partes con un duration de 65 minutas. ("Bach
Cahman Tribukait" es le titulo del CD.)

"Vicenzo Albrici: Concerti Sacri" es con le Cappella Augustana con Matteo
Messori como dirigente. Es concertos pro un, duo, tres voces e instrumentos
e le prime tributo registrate pro le compositor italian Vincenzo Albrici
(1631-1690/96).

Ambe CDs es accompaniate per un quaderno explicative illustrate in anglese,
interlingua e japonese. Musica Rediviva ha assi succedite facer un bon
mercato de exportation de su registrationes professional - isto es le CDs
numero 8 e 9. Musica Rediviva es gerite per Sven & Satoko Berger, membros
(e antea anque consilieros) del Societate Svedese pro Interlingua.

Le precio normal del cata disco es 180 SEK, pro usatores de interlingua il
ha un precio special de 140 SEK + porto postal per disco. Obtene lo per
Musica Rediviva, Håbergsgatan 7, SE-422 43 Hisings Backa, tel./fax 031-58
59 85, e-posta: [log in to unmask], www.mrcd.nu.

Con mi optime salutes
Thomas Breinstrup