Io pensa que le soldatos de combatto essera multo irate super le  novas
de iste tortura de capitivos iraqian, proque illo es un violation del
convention de Geneva. Si isto pote occurrer con le iraqis, illo pote
occurre con le soldatos american captive. Io crede que le truppos
in  carge de prisioneros non esseva educate in le limitates de lor
tractamento de lor prisioneros. E le officieros del intelligentia
debe cognoscer melior.

Mais iste  comportamento verso le prisioneros  non es inexpectate.
Un studio facite per un prof. Zimbardo in California circa 20 annos
previemente prendeva un gruppo de voluntarios,  mascules, e ha
dividite los a hasardo in duo gruppos; (1) carcereros e (2) prisioneros.
Illes faceva le experimento in un carcere. Le instructiones al carcereros
esseva solmente que illes debe mantener le ordine del prisioneros.
In duo septimanas le experimento esseva stoppate proque le comportamento
del carcereros verso le prisioneros habeva devenite tanto brutal e cruel.
Istes esseva personas normal, e non differente que lor prisioneros. E
illes  sapeva que le  prisioneros non habeva vermente facite alcun
crimines.  Il sembla que isto es un forma del natura human in tal
situationes, que debe esser controlate  per education e punition pro
cruelitate verso prisioneros.

Salute!

Stan Mulaik