Harleigh Kyson Jr. wrote:

>Shlomo Avineri, professor de studios politic al Hebrew
>University of Jerusalem, publicava in le "Los Angeles
>Times" (22 junio 2003) un articulo advocante le
>creation de un pais pro le kurdos.
>
>Ille notava que le britannicos creava Iraq in le
>decada inter 1920 e 1930 per combinar tres provincias
>del imperio ottoman (Mosul, Baghdad, e Basra) cuje
>kurdos in le norte, sunnis in le parte central, e
>shiitas in le sud se odia mutuemente.
>
>Ille comparava Iraq con Yugoslavia, in le qual
>Slovenia, Croatia, e Serbia (e eventualmente Kosovo),
>como statos independente, ha melior opportunitates pro
>developpar governamentos stabile.
>
>Ille recognosce que il essera difficile establir le
>autodetermination pro le kurdos a causa de Turquia,
>que time que un stato pro le kurdos iraqi incoragiara
>tendentias fissipare in Turquia inter su proprie
>kurdos e le resto del pais.
>
>Il ha anque le problema del petroleo in Kirkuk, que le
>arabes de Iraq vole controlar.  Ma le arabes, ille
>dice, qui appoia le derecto de autodetermination inter
>le palestinos concludera que un tentativa a crear un
>stato pro le kurdos es solmente un nove conspiration
>zioniste e/o american.
>
>Ille concede que iste problemas presenta multe
>difficultates in le creation de un stato pro le
>kurdos.  Ma si le Statos Untie e Britannia continua
>lor politica currente de mantener le unification de
>Iraq, ille implica que le resulto eventual
>probabilemente essera un nove serie de guerras in Iraq
>simile al guerras inter le slavos de Yugoslavia post
>le morte de Tito.
>
Il ha kurdos in Iran, Irak, Turchia e Syria.

In un senso il es le eterne problema de un stato multinational. In 
Turchia il ha armenos, ancora un poco de grecos, e ante toto kurdos. Le 
timor del governo turc es legitime, secundo me, que resta del pais?

Le elite in Turchia ha sempre probate retener le stato secular secundo 
le heriditage de Cemal Ata-Türk. Memora que un del prime rebeliones del 
kurdos non del toto era pro derectos lingual, como on proba explicar in 
nostre dies, ma como un protesto contra le decreto del governo que il 
non liceva a feminas portar le coperi-capite.

Il es naturalmente un genuin dolor de papite al politicos, Que facer. Si 
le kurdos in Irak habera le autonomia o mesmo un proprie stato, tunc 
anque le kurdos in Turchia e Iran lo volera haber. E que de Syria. Le 
problema es que le varie curdos non es unite. Forsan on deberea haber un 
iranian, turc, syrian, e irakian Kurdistan!

Il es sovente difficile combatter nationalismos, ben si il ha omne 
argumentos contra un pais separate in le libro. Il es probabilmente lo 
optime que on da a omne ille kurdistanes le libertate. Ma in iste caso 
ego gaude que ego non es un politico!

Kjell R