SI ILLO ES UN PROBLEMA MOSLEM, ILLO EXIGE UN
SOLUTION MOSLEM.
Per Thomas Friedman, columnista pro le New York Times.
le 10 de julio 2005
Le bombamentos de jovedi in le centro de London es profundemente
disquietante. In parte, aquello es proque un bombamento in
nostre pais materne e alliato le plus intime, le Anglaterra, es
quasi similar a un bombamento in nostre proprie pais. In parte,
illo es proque un assalto possibilemente ha essite per un bombator
suicidal, portante iste terribile arma jihadista in le corde de un
major capital occidental.
Aquello esserea profundemente inquietante proque le societates
aperte se depende super le fide--super le fide que le le persona
a tu latere in le omnibus o metro non es vestite de dynamite.
Le attaccos es equalmente inquietante proque quando bombatores
jihadista porta lor insanitate in le corde de nostre societate
aperte, nostre societates non jammais es tanto aperte
como antea. Tote de nos ja ha perdite un poco del libertate
a jovedi.
Mais possibilemente le aspecto le plus importante del bombamentos
de London es isto: Quando bombamentos jihadistic occurre in
Riyadh, aquello es un problem inter moslemes. Aquello es un
problema pro le policia de Saudi Arabia. Mais quando bombamentos
qaidaforme veni al metro de London, aquello deveni un problema
del civilization.
Cata moslem habitante un societate occidental subitemente deveni
un suspecto, deveni un bomba potential ambulante. E quando isto
occurre, illo significa que paises occidental va esser tentate a
supprimer mesmo plus fortemente lor proprie populationes
moslem.
Aquello equalmente es inquietante profundemente. Le plus que
le societates occidental--specialmente le major paises europee,
que ha populationes plus grande de moslemes que le America--
reguarda lor proprie moslemes con suspicion, le plus alienate
deveni lor jam alienate juventutes moslem. Isto es exactemente
lo que Osama bin Ladin ha soniate con le 11 de septembre:
pro crear un grande golfo inter le mundo moslem e le occidente
globalizante.
Assi isto es un un momento critic. Nos debe facer toto que nos
pote facer pro limitar le consequentias civilizational de iste
bombamento. Mais isto non va esser facile. Disimilar al
situation post 9-11, il non ha alcun facile objecto contra que
a retaliar pro le bombamentos como aquellos de London.
Il ha necun obvie centro general de terroristas e campos de
exercitio in Afghanistan que nos pote frappar con missiles
cruciera. Le menacia de al-Quaida ha metastasizate se e ha
devenite decentralizate. Illo non es plus vertical, alque
que nos pote batter in le facie. Illo es ora horizonte, platte
e extensivemente distribuite, operante per le interrete e
in parve cellulas.
Proque il non ha alcun objecto obvie contra que a retaliar,
e proque il ha semper non sufficiente policia pro guardar
cata apertura, o le mundo moslem deveni realmente a
constringer, inhibir e denunciar su proprie extremistas--
si illo es le caso que illos es post le bombamentos de
London--o le occidente va facer lo pro illos. E le occidente
va facer lo in un maniera crude e non-discriminative--
per simplemente excluder les, denegante a illes le visas
e facente tote moslemes culpabile fin que illos es
probate innocente.
E proque io crede que isto esserea un disastro, il es
essential que le mundo moslem se evelia al facto que
illo ha un culto de morte jihadista in lor medie. Si
illo non lucta contra aquelle culto de morte, aquelle
cancere in su proprie corpore politic, il va infectar
le relationes inter moslemes e occidentales in tote
partes. Solmente le mundo moslem pote eradicar
aquelle culto de morte. Illo exige un village [un
phrase de Sen. Hillary Clinton, indicante que illo
require le effortios de un communitate].
Le restriction le plus forte super le comportamento
human non jammais es un policiero ni un guarda del
bordo. Le restriction le plus forte super le
comportamento es lo que un cultura e un religion
judica esser vergoniose. Illo es lo que le village e
su ancianos religiose e politic dice es injuste e
immoral e non permittite a alcuno. Multe gentes
dice que le bombamento suicidal palestin esseva
le reaction spontanee de juventutes frustrate
palestin. Mais quando le palestinos ha decidite
que il esseva a lor interesse a haber un cessa-le-
foco con israel, aquelle bombamentos ha
cessate abruptemente.
Le village moslem ha essite derelicte in condemnar
le insanitate de attaccos jihadista. Quando
Salman Rushdie scribeva le novella controversial
concernente le propheta Muhammad, ille esseva
condemnate al morte per le gerente de Iran.
Fin a hodie--a iste die--necun cleric moslem o
corpore moslem ha jammais promulgate un
fatwa condemnante Osama bin Ladin.
Iste septimana passate in Jordan, le Rege
Abdullah II ha essite le hoste de un conferentia
impressive in Amman pro pensatores e clericos
moslem moderate qui vole recovarar lor fide
de illes qui ha essayate a piritar lo. Mais isto
debe ir plus longitan e plus extensivemente.
Le omnibuses de duple nivellos de London e
le metro de Paris, tanto ben como le mercatos
coperite de Riyadh, Bali e Cairo, non jammais
va esser secur tanto longe como le village
moslem e su ancianos non confronta,
delegitimiza, condemna, e isola le
extremistas in lor medie.
Traducite per
Stan Mulaik
=====================================================Pro disabonar te del lista, invia un message a
[log in to unmask] con le texto:
UNSUBSCRIBE INTERLNG
o visita le sito del lista:
http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:
http://www.interlingua.com/
=====================================================
|
