Re: Ecclesias...

Io ha legite con interesse passante le messages in re
le Ecclesias... Passante? Si, io senti que parlar del
Ecclesias (in veritate parlar de nostre opiniones del
fides de altere personas) es vermente difficile,
multissimemente difficile.

Il es difficile proque le Religion, le Fide de cata un
de nos es un cosa personal. Tanto personal que in
pauc tempore le temperamentos se fomenta e il
ha un ver possibilitate de conflagration mutue in le
flammas electronic ( e non le flammas de gehenna,
heh, heh) :-) Il non es grande cosa que nos ha un
opinion personal... Como dice Paolo, Deo non
necessita nostre opinion o sanitate, e como dice
Stan ille non es un cosa material que nos poterea
controllar. Si tu crede in Deo, le Deo del Biblia, tu
face ben... Como dice le scriptura... tu crede in Deo?
Tu face ben, e le demonios crede e alsi tremula in
timor de Ille.

Si un persona ha oculos pro vider, ille pote vider le lumine,
mais si uno non ha oculos ille es vermente cec, e non pote
vider nulle. Mesmo con berillos o con le adjuta del mundo
integre... sin oculos uno non pote vider.

Nunc nos vide un pauc e pote explicar lo que nos vide,
forsan nos vide un radio de lumine e pote adjutar a alteres
a comprender, mais si tu vide e io non ha oculos pro vider
si io non ha appreciation pro lo que tu vide io non lo
acceptara... Tunc isto es mi sentimento super le discussiones
in re le Ecclesias. Io dedica alcun horas cata mense pro
poter parlar con mi vicinos in re le radios de lumine que
io trova in le parolas del scripturas, mais io alsi recognosce
que multe de illos non apprecia mi effortio. E ben, como
dice le scriptura, un credente debe facer iste declaration
de su fide, in testimonio public, non pro le bon del mundo
integre, mais pro le unos que monstra appreciation, e in
facer isto alcunos trovara su salvation, le personas con
un core disponite a ille message. E omne pro laudar al
Deo (qui io cognosce, pro medio de mi studios e mi
conviction personal, qui io comprende tanto limitatemente
pro medio de mi limitate conscientia, e mi limitate
comprendimento).

E solmente iste parola plus si io pote facer un suggestion...
Face lo que tu crede es le veritate, non solmente in tu
fide personal, mais in connexion con toto que tu face in
tu vita. Expressa o non expressa lo que tu crede, assi
depende in tu voluntate, mais comprende que omne
cosa que nos face nos debe esser responsabile pro
illo.

(E per favor, quando io dice "tu" io non lo dice a nemo
in particular, mais in amicitia e sinceritate, e con respecto)

Sincermente,
Jay B.
[log in to unmask] [log in to unmask]
 http://adam.cheshire.net/~jjbowks/home.html
 ~~~~~~~~~~~~~~~~~~~~~~~~~~~~~~~~~~~~~~~~~~~