LE GAS HA ESSITE SCOPATE VIA DEL SYSTEMA SOLAR

PERQUE le quatro prime planetas del systema solar es roccose e relativemente
parve e le alteres es gasose e immense?

Perque le gas ha essite sufflate via ab le Sol. Tosto post le formation del
stella, 4,5 milliardos de annos retro, le moleculas de gas e pulvere que lo
circumfereva comenciava junger se, formante embryones de planetas. Milliardos de
annos depost, le activitate solar produceva un forte vento que pulsava le gas
via. Le pulvere, que era plus pesante, remaneva proxime al stella. Le planetas
le plus proxime, consequentemente, deveniva corpores roccose e, le distantes,
corpores gasose. Le vento solar es un fluxo de particulas electricamente
cargate, proveniente ab le Sol, que existe usque hodie. A causa de illo, le
cauda del cometas es orientate verso le direction opposite al Sol.

Le unic planeta que escappa al regula de magnitude es Pluton. Malgrado esser le
ultime del Systema Solar, illo es solmente un granulo quando comparate con le
alteres. Probabilemente illo non es gasose. On ancora non sape perque, ma il ha
theorias. "Le plus recentes dice que Pluton serea un asteroide e non un
planeta", explica le astronomo Ronaldo Rogério de Freitas Mourão, del Museo de
Astronomia e Scientias Affin, de Rio de Janeiro. "Es probabile que illo sia
formate basicamente de glacie", dice ille.
--
   ENSJO*: EMERSON JOSÉ SILVEIRA DA COSTA
  E-mail : [log in to unmask] [<Ø>] Brasil!
Homepage : http://www.nautilus.com.br/~ensjo/
Telephono: (091) 231-5740 // +55 91 231 5740
 UIN ICQ : 713833   [* "sj" pronunciate "sh"]

INTERLINGUA - lingua auxiliar international
    Info : http://www.interlingua.com
 Grammar : http://www.nautilus.com.br/~ensjo/interlingua/english.html