Jonathan Julius Dobkin wrote:
> Iste gen existe in le population europee in numeros que cresce del est al west.
> Le theoria es que illo es un gen del population aboriginal de Europa del
> edad de petra (in altere parolas le population pre-indoeuropee), perque le
> indoeuropeos (le prime agricutores in Europa?) ha colonisate le continente
> gradualmente ab le est al west durante varie millennios.
Io nunc non me recorda si il era le etate de petra junior o senior (le neolitho o le
paleolitho). Forsan durante le neolitho il ha agricultura in Svedia.
Ante multe annos ego legeva que le population in Lapponia (Sapme etnam ?) ha le
mesme domination de un gruppo de sanguine como in Europa sud-west. Si isto etiam
tange le gruppos genetic io non sape.
Un multo interessante cosa, jam non de humanos, ma de ursos, il ha un gruppo de
ursos sudic in Svedia que es geneticamente afin a un gruppo de Europa sud-west, et
il ha un altere gruppo nordic con un altere adherentia genetic. E il sembla que ille
duo gruppos non se mixa!
> In Irlanda, ubi le gen existe in un proportion plus grande que in Europa
> continental (con le exception del Pais Basc), le gen etiam cresce de ~70% in
> le sudest al 98% in le nordwest; ma le population in le qual le proportion de
> 98% era trovate non es vermente de homines in le nordwest, ma de homines
> cuje nomines familial son traditional in le nordwest. In le recente seculos, le
> revolution industrial e altere grande cambios in le societate ha causate plus
> migration inter le varie regiones de Irlanda que antea. Felicemente, iste gen
> aboriginal es trovate in le chromosone Y, del qual homines (ma non feminas)
> a un copia; le copia es transmittite sin cambios (excepte mutationes) de patre
> a filio--exactemente como le nomines de familias Ergo, per examinar le
> proportiones in le qual le gen existe in populationed de homines qui ha nomines
> originalmente del varie partes de Irlanda, on pote trovar le distribution del gen
> in le seculos medieval in le quales le irlandeses ha originalmente acquirite lor
> nomines familial.
Isto es multo interessante!
> Caeterea censeo genorum tractationem esse prohibendam.
> (Gratias ago, Celle!)
>
> > Le habitantes de Irlanda ha in lor ADN un gen que quasi non existe in le
> > resto de Europa. Cognite como haplotypo 15, aquelle gen era characteristic
> > del populationes europee in le Paleolithico. Illo ha disparite del
> > continente gradualmente a partir del migrationes del populos agricultor
> > del Medie Oriente, circa 5.000 annos retro. Ma in Connaugh, in le puncta
> > nord-west de Irlanda, illo appare in 98% del homines. Un frequentia
> > similar solo existe in le Pais Basc -- region in le nord de Espania cuje
> > habitantes tamben se considera un racia a parte.
Si iste numeros es correcte il demonstra un multo interessante cosa. Il non es certe
que solo proque un population parla un certe lingua so tractos racial es alquanto
identic.
Ante alcun annos io legeva de un exploration secundo le qual le population le
descendentes del qual nos svedeses es, era subjecto de un epidemia del typo aids
ante 4000 annos. Ha tu legite alque simile alicubi?
Servus humilis tuus Cellus scripsit.
|
