[log in to unmask] wrote:

>Il pare que io habeva ration quando io prediceva que
>le resistentia iraqi contra nostre occupation de lor
>pais iva gradualmente crescer.
>
Il habeva ben motivate rationes pro un tal credo si on compara con
previe historia. Considera pro exemplo le occurrentias in Libano.

>(2) Guerreros con ligamines a Al Qaeda;
>
Secundo alcun judicamentos ci on lo vide poco probabile que al Quaeida
pote haber sequentes in Irak a causa del quasi secular politica de S.
Hussein.

>(4) Guerreros de altere paises, specialmente Iran;
>
Es isto multo probabile. Forsan il ha regiones ubi le governo non ha bon
controllo. Durante le era de Saddam il habeva multe iranianos in Irak
essente inimicos del regime del mullahs ibi. Il me sembla que le
Mujahides del populo habeva gente in Baghdad.

> e
>
>(5) Criminales commun liberate per Saddam Hussein un
>pauco ante nostre invasion de su pais.
>
Multo interessante - e typic.

In mi plus cynic momentos io pensa que si un governo vole haber un
opinion multo inimic a criminales, illo pote liberar - precocemente -
grande numeros de assassinos e fures, e in curto le population perdera
le tolerantia que on habera si tote le banda sederea incarcerate e non
molesta le population, i.e. le societate face su labor, donante
protection contra personas non-disciplinate afin que reciper le
loyalitate del cives. Un sorta de contracto social, si tu vole.

>Le Statos Unite sperava que India, Pakistan, e
>Portugal inviarea grande numeros de truppas.
>
Aha? Io comprendeva que le Statos Unite non voleva le adjuta de altere
paises. E il habeva un poco de malcontentessa ci que le Statos Unite
sembla dar adjuta solo a su porporie interprisas pro le contractos de
reconstruction Irak.

>Le poloneses nos appoia assatis enthusiasticamente
>proque illes spera que eventualmente nos va dar multe
>moneta a illes.  Il es ben possibile que con le
>tempore illes va discoperir (como le Hmong durante
>nostre guerra in Vietnam) que nostre governamento
>federal pote esser tan duplicitose como le direction
>de Microsoft.
>
In mi opinion isto es un cosa que jace multo profundmente. Io era in
Polonia quando Nixon visitava Varsovia. Il era un situation tanto
paradoxal e quasi grotesc que on non poteva oblidar! Ah, bisarre, es le
parola. Nixon non haberea potite visitar Svedia, ubi le union public era
grossemente contra le guerra de Vietnam e ubi on haberea demonstrationes
enorme, si Nixon haberea viagiate a pro exemplo Stockholm.

In Varsovia del altere latere le visita de Nixon era un grande cosa. Il
era un dominica e tote le urbe era sur pedes! Le itinerario non era ben
cognoscite e il habeva policia a omne le stratas. Al fin nos diveniva
justo, e nos poteva vider un Nixon rapidemente passante in su
automobile. Postea, in le vespere nos poteva audir le Radio Europa
Libere que habeva reportages del incontros de Nixon con le populo.

Il es assi con multe paises, e - a mi aviso particularmente con Polonia
- que le vicinos "crea problemas" nam un distante pais como America
poteva esser un bon alliante, anque si on considera que le alliante ha
multe moneta!

>Con multe reluctantia, Bush studia le possibilitates
>de intervention statounitese pro pacificar Liberia e
>su paises circumferente.  Ma nostre personal militar
>es multo occupate in Iraq, e nos non ha le capacitate
>de simile interventiones in ulle altere pais.
>
Hmmm. In Irak on poteva al minus facer alque in le menses tepide, ma in
le region de Africa west il ha, a mi aviso, nulle menses tepide ma solo
calide.

>Nostre congresso comencia inquietar se.  Le responsa
>de nostre administration es un postura de optimismo.
>"Construer le democracia," dice le representantes de
>Bush, "demanda tempore e effortio."
>
Nostre radio national reporta que le invasion de Irak ha create
sperantia de plus de libertate anque in altere paises arabe, ben que le
opinion public prefere que le irakianos solve lor problemas per proprie
activitate.

>Si le resistentia del iraqis contra nos continua su
>augmentation, forsan Bush discoperira que su
>reelection devenira impossibile.  E iste resistentia
>pare devenir de plus in plus organisate.
>
Le problema es que on non attinge tote le population. Le elite
comprende, ma an le profunde stratos comprende. Il basta comparar le
attitudes ci in Svedia verso le introduction del euro ci. Un grande
fraction del populo es contra le introduction del euro. Ille humanos non
comprende, o non es interessate in, le collaboration inter le altere
paises europee.

Particularmente le ecologistas es contra le euro. Illes es plus in favor
de "adjuta" a paises developpante, que significa que on in realitate non
perde tanto.

Ci on vide anque un facto interessante. Viste que le svedeses maestra le
anglese satis ben, grande sectiones del population anque crede que illes
ha identic interesses con le opinion public in Britannia, durante que a
mi aviso le svedeses e angleses, historicamente, ha totalmente
divergente opiniones e que nos ha plus de interesses in commun con le
germanos, malgrado que nos non comprende o es conscie de isto...

In iste fin de septimana nostre premier ha itinerate a Britannia pro
participar in un conferentia de socialistas invitate per Tony Brair.

Kjell R